Hallwilersee
Us der alemannische Wikipedia, der freie Dialäkt-Enzyklopedy
De Hallwilersee esch de gröschti natürlichi See im Aargau (de zweiti relativ grossi See esch de Klingnauer Stausee). Ned die ganz Flächi vom Hallwilersee liit im Aargau, e föiftel vo Aesch abwärts gege Mose zu ghört zom Kanton Lozärn. Was veli ned wösse: Set em Zämeschloss vo Möischter ond Schwarzebach het auso sogar de Lozärner Fläcke Seeastoss, wenn ou nome es paar Meter. Ond de Wald ghört erscht no de Böjuer...
De Hallwilersee esch a de töifschte Stell 48 Meter töif ond er zeichnet sich dadorch us, dass er fascht ganz rondome mit Wanderweg begehbar esch (Abgseh vo einige Naturschotzgebiet ond de tomme Äscher, wo aus Bouland a Privati verchouft händ...). Uf em Hallwilersee verchehred 5 Korsscheff i de Säson vom Früelig bis Endi Oktober. D Schefffahrtsgsellschaft Hallwilersee verfüegt öber en Flotte vo föif Scheff namens "Brestenberg", "Fortuna", "Seetal", "Hallwil" ond d"Seerose" wo om di letscht Johrhondertwendi als Ersatz för d "Möve" ikauft worde esch.
