Thunersee
Us der alemannische Wikipedia, der freie Dialäkt-Enzyklopedy
| Bild | |
|---|---|
 |
|
| Date | |
| Name: | Thunersee |
| Lag: | Bärner Oberland |
| Flächi | 48,3 km² |
| maximale Tiefe: | 217 m |
| Zueflüss: | Aare, Kander |
| Abflüss: | Aare |
| Höchi über NN: | 558 m |
| Grösseri Stedt am Ufer: | Thun, Spiez Interlake |
| Bsungerheite: | |
| Charte | |
|
|
Dr Thunersee isch e Aupesee im Bärner Oberland am nördleche Alperand. Dr See isch 17,5 km lang u max. 3,5 km breit. Syni Flächi betreit 48,3 km², die maximali Tiefi 217 m. Dr Inhaut isch rund 6,5 km³. A syne nördlechee Usfluss, dr Aare, isch d'namensgäbendi Stadt Thun z'finde.
Nach dr letshte Yszyt het sech dört, wo hütt die zwöi See liege, der so genannti Wendelsee biudet. Dür Ablagerige vo Gschiebe vo de verschiedeni Bergbäche het sech ungefähr ir Mitti vom See e Äbeni, ds "Bödeli", uf dem hütt d'Gmeinde Interlache, Matte u Untersee liege, biudet. Die Schwämmebeni tuet dr See i de Thuner- u Brienzersee teile.
By Normauwasserstand ligt dr Seespiegu uf 558 m. ü. NN. Dr Thunersee het es Yzugsgebiet vo 2500 km². By längere, starke Niederschläg cha är deshaub über d'Uefer träte, wöu d'Abflusskapazität vor Aare nume beschränkt isch. Die wichtigi Stoufunktion vom Thunersee erspart dagege ir tieferglägener Stadt Bärn einigi Überschwemmige, bringt ir Stadt Thun hingäge bsongeri Problem mit sech. Dr maximali Abfluss betreit 345 m³ pro Sekunde, dr mittleri Abfluss ligt by 110 m³/s. Sy Houptzuefluss, d'Aare, wird im Südoschten vom 6 Meter höcherglägener Brienzersee gspyse.
Vo dr Fischerei im Thunersee läbe mehreri Bruefsfischer. Im Jahr 2001 het ihre Gsamtertrag 53.048 kg Fisch betreit.
Syt 1835 gits uf em See e Passagierschifffahrt. Hütt betrybt d'BLS Lötschbergbahn AG eine Flotte von 10 Schiffe.
