Brienzersee
Us der alemannische Wikipedia, der freie Dialäkt-Enzyklopedy
Biud | |
---|---|
Date | |
Name: | Brienzersee |
Lage: | Bärner Oberland |
BFS-Nr.: | 9089 |
Flächi | 29,8 km² |
maximale Tiefi: | 260 m |
Zueflüss: | Aare, Lütschine |
Abflüss: | Aare |
Höchi über Meer: | 564 m |
Grösseri Stedt am Ufer: | Interlaken, Brienz |
Bsungerheite: | |
Charte | |
Dr Brienzersee isch e typischer Auperandsee. Di steile Ufer setze sech ou ungerem Wasserspiegu furt, so dass chuum Flachwasserzone exischtiere. Är ligt im Kanton Bärn.
Dr See wird vor Aare dürflosse. Daneben fliessä e viuzau chlyneri Bäch i See. Nännenswärt sy d'Giessbachfäu, wo sech i 14 Stufe i Brienzersee abe stürze. Dr See isch 14 km lang u 2,8 km breit. Syni Flächi betreit 29,8 km2, die maximali Tiefi isch 260 m. Dr Inhaut isch rund 5,2 km3. By Normauwasserstand liegt dr Seespiegu uf 564 m ü.M.. D'Yzugsgebiet isch 1127 km2 gross.
A sym nördlichem Ufer ligt ds namengäbendi Dorf Brienz. A sym Süd-Weschtändi, ygbettet zwüsche Thuner- u Brienzersee, liegt ds Bödeli, mit de Gmeinde Interlaken, Matten u Unterseen.
Dr Brienzersee isch nährstoffarm u eine vo dr süberschte See ir Schwyz. D'Fischerträg sy dahär nied sehr gross, aber d'Brienzerseefische gäute aus regionali Delikatässe. Dr Gsamtertrag betreit im Jahr 2001 10.078 kg Fisch.
Syt 1839 gits uf em See e Passagierschifffahrt. Hüt betrybt d'BLS Lötschbergbahn AG e Flotti vo 5 Schiff.
[ändere] Weblinks
Commons: Brienzersee – Witeri Mulitimediadateie zum Artikel |