Karlos Argiñano
Wikipedia(e)tik
Karlos Argiñano Urkiola (Beasain, Gipuzkoa, 1948ko irailaren 6a - ) euskal sukaldari, aktore eta enpresaria da.
[aldatu] Biografia
Beasainen jaio arren, txikitatik Zarautzen bizi da, non gaur egun bizi eta lan egiten du. Bertan ditu bere jatetxe, hotel eta sukaldaritza-eskola.
Lazkaoko Agustindarren ikastetxean bete zituen bere ikasketa primarioak eta maisutza industriala egin ondoren txapista gisa aritu zen Beasaingo tren fabriketan (CAF). 17 urterekin Zarauzko Euromar hotelaren ostalaritza eskolan matrikulatu zen, eta 1978. urtean Zarautzen bere jatexea ireki zuen.
Urte askotan zehar TVE Espainiako telebista publikoan sukaldaritza programak egin ostean, 2005. urtean Telecinco telebista pribatura joan zen bere programarekin.
Enpresa arloan, Bainet enpresa sortu zuen, bere programa eta liburuak argitaratzen dituena, eta baita ere Juan Mari Arzak eta Eva Argiñanorenak (Karlos Argiñanoren arreba) gestionatzen ditu.
Karlos Argiñanok euskal sukaldaritza, munduko herrialde askotan zabaldu du, eta sukaldaritza ikastaro eta konferentzia anitzetan parte hartu du.
Baita ere, zenbait filmetan parte hartu du, hala nola Airbag (Juanma Bajo Ulloa - 1997), Año Mariano (Karra Elejalde eta Fernando Guillen Cuervo - 2000) edo El rey de la granja (Carlos Zabala eta Gregorio Muro - 2002).
