Laku
Wikipedia(e)tik
Laku edo aintzira lurraz inguratuta dagoen ur eremu bat da. Laku gehienek ur geza dute eta gehiago daude Ipar hemisferioan Hego hemisferioan baino. Handiak direnean itsasotzat hartzen dira.
Lakuak aztertzen dituen zientzia Limnologia da.
[aldatu] Munduko datuak
- Finlandiak 187.888 laku ditu, horietarik 60.000 handi.
- Munduko lakuen %60a Kanadan aurkitzen da.
- Munduko lakurik handiena Kaspiar itsasoa da. 394,299 km² ditu eta hurrengo sei lakurik handienak batuta ere hau handiagoa da.
- Munduko ur gezako lakurik handiena Superior Lakua da 82,414 km². Bigarren handiena da ere. Hala ere Michigan Lakua eta Huron Lakua elkartzen badira 117,350 km² ditu eta batzuetan horrela kontsideratzen dira.
- Munduko lakurik sakonena Baikal Lakua da, Siberian, 1.637 metroko sakonarekin. Ur geza kopururik altuena duena ere bada. Era berean munduko lakurik zaharrena da. Hurrengoa Tanganyika Lakua da.
- Nabiga daitekeen lakurik altuena Titikaka Lakua da, 3.821 metrotan aurkitzen delarik. Hego Amerikako bigarren handiena eta ur gezako handiena da.
- Munduko lakurik altuena Lhagba Pool da Tibeten 6,368 m.tara.
- Munduko lakurik baxuena Itsaso Hila da, -418 metrotara kokatzen dena.
- Ur gezako laku batean dagoen uharterik handiena Manitoulin uhartea da, Huron Lakuan, 2.766 km karraturekin. Bertan Manitou lakua dago, ur gezako laku batean dagoen irla batean dagoen lakurik handiena delarik.
- Baffin uhartean Nettilling lakua aurkitzen da. Hau da irla batean dagoen lakurik handiena.
- Sumatran dagoen Toba Lakua sumendi kaldera batean dagoen lakurik handiena da.
- Victoria Lakua munduko ur gezako bigarren lakurik handiena da azalera kontutan hartuta.
- Maracaibo lakua Hego Amerikako lakurik handiena da, baina berez badia bat da.
- Kanadako Ontarion dagoen Sudbury hirian Wanapitei lakua dago, hiri baten barruan dagoen munduko lakurik handiena.
[aldatu] Euskal Herrian
Sakontzeko, irakurri: Euskal Herriko urtegiak
Euskal Herrian laku naturalik ez dago, padura eta urtegiak baizik. Hauen artean, Itoitz eta Esa (Nafarroa) eta Ulibarri-Ganboa (Araba) handienak ditugu.
