Vichipedie:Ortografie

De Vichipedie, la enciclopedie libare dute in marilenghe.

Cheste vôs al è un aboç, che al è stât juste scomençât e al conten dome pocjis informazions.
Se tu puedis, zonte alc cumò e judinus a fâle deventâ simpri miôr seguint lis convenzions de Vichipedie. Par vê une liste complete da lis vôs in cheste condizion, cjale la rispetive categorie. Graziis di cûr.

Si scugne vê un standard unic di scriture, parcè che se no si fâs al dopli di fadie; o si pues fevelâ su cuâl doprâ, par cumò si dopre chel uficiâl dal OLF, che si pues cjatâ ca o ca. Se no savês cemût scrivi, e fevelais dome une variant dal furlan plui o mancul lontane di chê standard, zontait instès alc, parcè che a metilu a puest no si stâ tant: l’unic truc al è chel di meti parsore il test {{No standard}}, cussì che si pues viodi daurman dulà che e je bisugne.

Indis

1 Tastiere
2 Imprescj utii
- 2.1 Corezion ortografiche dentri di Mozilla Firefox
3 Cjale ancje
4 Risorsis

[cambie] Tastiere

La gran part dai utents e dopre une tastiere standard taliane, che no 'nd à i tascj che si doprin inte lenghe furlane, ad esempli lis letaris cun l'acent circonflès. Par fortune e je int che a pensât a cheste robe e tu puedis cjatâ i risultâts su cheste pagjine. Discjamant un file tu puedis instalâ un gnûf model di tastiere che ti lasse digjitâ lis letaris che a coventin cuntune combinazion di tascj che e je une vore plui veloç (par esempli par mieç di AltGr + vocâl).

[cambie] Imprescj utii

Coretôr Ortografic Furlan (COF) CFL2000.net
Dizionari Ortografic Furlan CFL2000.net
Grant Dizionari Bilengâl Talian-Furlan (GDBTF) CFL2000.net

[cambie] Corezion ortografiche dentri di Mozilla Firefox

Mozilla Firefox al è un software libar disponibil in une vore di lenghis, includût il furlan. De version 2.0 al è ancje pussibil doprâ un coretôr ortografic dentri dal program par verificâ la ortografie tai cjamps di test, cence vê di copiâ il test intun altri program. Par instalâlu suntun sisteme Microsoft Windows si à di seguî chescj pas:

Lâ su la pagjine di paganf cui dizionaris [1]
Discjamâ il Dizionari par Myspell Leam diret
Jenfri dal file (che si pues vierzi par esempli cul program libar 7-Zip) a son dai files cun instruzions (par OpenOffice.org e Mozilla Thunderbird) e doi files: fur_IT.dic e fur_IT.aff.
Copiâ chei doi files inte cartele dictionaries di Mozilla Firefox (par solit "C:\Programmi\Mozilla Firefox")
Cuant che si torne a inviâ Firefox, fracant cul boton di çampe dal surîs parsore di un cjamp di test (par esempli chel di modifiche di une vôs de Vichipedie) si à di fracâ su "Controllo Ortografico di questo campo" o ben "Controle la ortografie di chest cjamp" se o doprais Firefox par furlan. Cumò fracant di gnûf cul boton di çampe dal surîs parsore dal cjamp di test al vignarà fûr un menù "Lingue" o "Lenghis"; lì si scugne sielzi "fur_IT". Cumò in chel cjamp al vignarà fat un control ortografic e lis peraulis sbaliadis a vegnis sotlineadis di ros.