Pordenon

De Vichipedie, la enciclopedie libare dute in marilenghe.

Pordenon al è il cjâf lûc de omonime provincie. E je une citât di 51.008 abitants, il so non al ven dal latin Portus Naonis, che al vûl dî puart sul flum Nunciel. Il patron di Pordenon al è Sant Marc, ai 25 di Avrîl. La altitudin e va di 24 metris in Place Sant Marc a 62 metris tal Vilaç dal Frut.

Indis 1 Storie 2 Economie 3 Lenghe 4 Di viodi 5 Manifestazions 6 Leams esternis

[cambie] Storie

Pordenon e à lis sôs origjinis inte Alte etât di mieç. E jevà come puart sul Nunciel. Tal 1278 e passà sot dai Asburc (prime e faseve part dal Patriarcjât di Aquilee), e tal 1314 e deventà citât, par vignî po concuistade dai Vignesians tal 1508. Tal 1797 e tornà sot da l'Austrie, par vignî finalmentri concuistade dal Ream di Italie tal 1866, tal mût di dut il Venit di chel timp (che al cjapave sù ancje il Friûl fintremai al Lusinç).

Tal 1968 e devente cjâf lûc di provincie, cjapant par il toc di teritori de Diestre Tiliment, un timp part de Provincie di Udin.

[cambie] Economie

Al dì di vuê Pordenon e je une citât prevalentementri industriâl, cun lis sedis de Zanussi, cumò cjapade su dal colòs svedês Electrolux

[cambie] Lenghe

A Pordenon al dì di vuê no si fevele furlan, ma un dialet venit coloniâl, clamât ancje "Naonese" (dal non dal flum Nunciel , par latin "Naone"). Chest dialet al fo puartât dai vignesians tal 1508, cuant che la citât e passâ sot la Republiche di Vignesie.

[cambie] Di viodi

• Il municipi (secul XIII - XIV)
• Il domo di Sant Marc, cun diviersis interessantis pituris dal 1400
• Cors Vitori Emanuele II, strade principâl de citât antiche

[cambie] Manifestazions

• Pordenone Legge, rassegne leterarie di rilevance internazionâl
• Zornadis dal cine mut, te origjin si davuelzevin a Pordenon, ma dal 1999 e je une manifestazion che si ten a Sacîl

[cambie] Leams esternis

• (talian) Pagjine dal comun