Sculture
De Vichipedie, la enciclopedie libare dute in marilenghe.
La sculture e je la art dal sculpî fasint vignì fûr des formis e des figuris a trê dimensions.
La sculture si pues fâ doprant dai materiâi dûrs come la piere, il marmul o il len ca si sgjavin o a si intâin, opûr dai materiâi plastics di modelâ tant che la arzile, il stuc, la plastiline e cumó ancje il polistirûl doprât par fâ lis grandis sculturis pe publicitât o pal cine. Cun le tecniche moderne, cumó al si puès tirâ une sculture in plui esemplârs doprant i materiâi come il silicon e il poliester e chest, ch'al sêti par fâ i stamps o par tirâ un esemplari. Un pôc come il pitôr cuant ch'al fâs lis incisions o lis serigrafiis.
Indis |
[cambie] Materiâi tradizionâi
I materiâi tradizionâi a son:
- Il marmul
- Il zes
- La arzile
- La porcelane
- La tiere cuete
- La cjarte peste
- Il metâl
- L’Avoli
- Il len
[cambie] Altris materiâi
Par disi il vêr la art moderne a dopre i plui variis materiâi par fâ lis sôs oparis par esempli:
- il tiessût
- il veri
- il savalon
- la glace
- la plastiline
- Il poliester
- Il plastirûl
- la ceramiche
[cambie] Formis
Cualchidune des formis de sculture a son:
- Il Rilêf ca je une sculture tacade a un font come altrilêf o basrilêf
- Mosaic
- Statue
- Bust
[cambie] Scultôrs
La categorie dai scultôrs a cjape dentri i mestris de Grecie Classiche, i grancj dal rinassiment come Michêlagnul e Lenart da Vinci, i modernis come Henry Moore e Felix de Weldon.
[cambie] Sculture furlane
Il mosaic al à une lungje tradizion ca ven de epoche romane (i grancj mosaics de basiliche di Aquilee) e che rive fin a la scuele di Spilimberc, la citât dai mosaics. Une lungje tradizion, ca ven almancul de etât di mieç, e à la sculture dal len specialmentri a fonde religjose. Te art moderne doi artiscj che van ricuardâts par vê une nomee a nivel mondiâl a son Mirko Basandella e Sommarti.
