De Knipe
Ut Wikipedy
|
||||||||||||||||||||||
De Knipe (Offisjeel Frysk) is in doarp yn de gemeente It Hearrenfean, east fan de flekke. It doarp hat 1.476 ynwenners.
By De Knipe is in Romaansk - Keltysk brûnzen byldsje fûn dat yn de 2e ieu of 3e ieu yn Ingelân makke is. It soe in oantinken wêze kinne fan ien dy't destiids tsjinne hat yn it Romeinske leger. By Holwert is ek alris sa'n byldsje fûn.
De Knipe is ûntstien út twa parten fan oare doarpen, út Nij Brongergea, it noardlike part fan Brongergea en Nij Ketlik, it noardlike part fan Ketlik.
Troch it doarp rint de Skoatterlânske Kompanjonsfeart. Hjiryn lei in knipe, in fersmeling yn de feart, en dêrtroch kaam it doarp oan har nammen. De Knipe wie oant 1970 opsplitst yn Boppeknipe en Benedenknipe en waard doe faak yn ien namme De Knipe neamd. It stik tsjin It Hearrenfean oan waard Beneden-Knipe neamd, it stik rjochting Bontebok Boppe-Knipe. Doe't yn 1970 beide doarpen gearfoege waarden waard de nije namme De Knipe.
Anne Zernike wie yn 1911 de earste froulike dûmny fan Fryslân en Nederlân. Hja begûn as doopsgesind predikante yn Boppeknipe. Jan Mankes hat ek in tiid yn De Knipe wenne. Hy wie troud mei Anna Zernike.
Op it begraafplak stiet ek ien fan de klokkestuollen yn Fryslân.
 Klokkestoel |
Ynhâld |
[bewurkje seksje] Gondelfeart
Eartiids waard op de twadde moandei fan oktober in feemerk holden. Doe't dit minder waard besleat de merkekommisje yn 1932 in optocht fan fersierde boaten te hâlden. De optocht groeide nei de oarloch út op in grut mearkeseftich barren. Doe't de feart yn 1967 dimpt waard is noch besocht om mei fersierde weinen de sfear werom te krijen mar dat slagge net rjocht. In allegoryske optocht is der fan oerbleaun.
[bewurkje seksje] Mienskip
Doe't yn 1968 Boppe-Knipe en Under-Knipe ien waarden, kaam der ek ien feriening foar Pleatslik Belang. Der is no in Stifting Doarpshûs. Belangengroep It Mar folget kritysk de plannen oer Skoatterwâld-Noard. Yn De Knipe stean de Kompanjonsskoalle en De Pream. De Lytse Kompanjon is it pjutteboartersplak. Yn it doarp wurde ek wedstriden Strjittenseiskamp hâlden.
[bewurkje seksje] Ferienings
- Feriening foar Folksfermaak
- Kynhout - wurkgroep Knypster ferline
- Crescendo - korps
- By Jûn útfûn - iisclub
- De Kompanjon
- De Krinkjespuiers - toaniel
- Stuk - motorclub
- De Preamsjongers - sang
- Survivalferienings De Knipe en Pauwenburch
- Read Swart - fuotbal
- Kinea - kuorbal
- OKC - gymnastyk en folleybal
- krúsbôgeferiening
- Trekkertrek
[bewurkje seksje] Befolking:
Earst Boppe-Knipe dan Beneden-Knipe:
[bewurkje seksje] Strjitten
't Slúske, Anne Hanzeswyk, Dominee Veenwei, Hellingbaas, Houtbaas, Houtkampswyk, Jan Jonkmanwei, Kwakerswyk, Learloaier, Meyerwei, Skipper, Spinner, Tramwei, Ymker.
