East-Dongeradiel
Ut Wikipedy
East-Dongeradiel (Oostdongeradeel) wie in eardere gemeente yn it Noardeasten fan Fryslân, mei 6.502 ynwenners (1 jannewaris 1973), en mei in gebiet fan 109,86 km², wêrfan lykernôch 23,02 km² wetter.
Ynhâld |
[bewurkje seksje] Skiednis
It oarspronkelike Dongeradiel, rekke yn de 14e en 15e ieu split yn Dongeradiel by de eastside fan de Peazens (of Donger), en Dongeradiel by de westside fan de Peazens. Tsjin 1500 wienen dy twa siden ta de aparte grietenijen East-Dongeradiel en West-Dongeradiel wurden.
By de gemeentlike weryndieling fan 1 jannewaris 1984, waard West-Dongeradiel, mei East-Dongeradiel en Dokkum wer gearfoege ta ien gemeente Dongeradiel.
[bewurkje seksje] Plakken
It haadplak wie Mitselwier, en de oare doarpen yn de gemeente wienen: Ealsum, Eanjum, Easternijtsjerk, Eastrum, Ie, Ingwierrum, Jouswier, Ljussens, Moarre, Nijewier, Peazens en Wetsens.
Ek it buorskip Bollingwier hearde ta East-Dongeradiel.
[bewurkje seksje] Gebiet
De grins fan East-Dongeradiel waard yn it noarden foarme troch de Waadsee. Yn it easten waard de gemeente beheind troch de Lauwerssee, en letter de Lauwersmar, mei oan de oare kant Grinslân. Yn it suden waard de gemeente beheind troch Dokkum en troch it Dokkumer Djip mei it Ald Djip, mei dêroerhinne Dantumadiel en Kollumerlân. Yn it westen wie de Peazens mei de Alde Peazens de grins, mei dêroerhinnne West-Dongeradiel.
