Koartehimmen
Ut Wikipedy
Koartehimmen is in doarp yn de gemeente Smellingerlân, súd fan Drachten. It doarp hat likernôch 190 ynwenners (2004).
De namme "Koartehimmen" komt fan it omlizzende lân. Himmen binne lege wiete stikken lân dy't meastentiids by in rivierke lizze. Yn dit gefal wie dat de Drait. Oan wjerskanten fan it rivierke lei in rige sânkoppen, dy ’t minsken oanluts. Sa ûntstie Suderdragten oan de iene en Koartehimmen oan de oare kant fan it wetter.
It nei alle gedachten yn de twadde helte fan de 13e ieu boude toerleaze tsjerkje is fan it type sealtsjerken. Op it tsjerkhôf stiet ien fan de Klokkestuollen yn Fryslân.
Yn de boskrike streek stiet ek de Folkshegeskoalle, foarmings- en konferinsjesintrum fan de Woodbrookers. De Skriuwersrûnte Koartehimmen kaam hjir yn de sechtiger jierren twaris yn 't jier gear om mei mekoar eigen wurk foar te lêzen en te besprekken. Dit hat laat ts it opsetten fan Operaesje Fers. HJirby koenen minsken dy't de dichterstelefoan bellen, alle wiken in oar fers hearre.
By it doarp komt ek in ôfdieling fan de Grinzer ynstelling Het Poortje, in regionaal justisjele jeugdynrjochting. Het Poortje is bedoeld foar behanneling fan jongeren tusken 12 en 24 jier. Yn 2008 giet it los mei de opfang fan in 45 bern. Het Poortje wurket gear mei Jeugdsoarch Fryslân.
Yn it Koartehimster Fjild stie oant de jierren tritich fan de 20e ieu noch in spinnekopmole.
Op 27 augustus 1813 is Jan Halbes de Jong út Koartehimmen ûnthalze op de Ljouwerter guillotine fanwege moard.
Ynhâld |
[bewurkje seksje] Mienskip
Mei Boarnburgum hat Koartehimmen in Feriening foar Doarpsbelangen. De buertferiening is de Himmen (Sânbuorren, gedielte Galhoeke, Boerestreek, Himsterfinnen en Prikwei). De oare buertferienings lizze yn Boarnburgum. Doarpskrante Boarnhimster Bining ferskynt fjouwer kear yn't jier. Hast alle bern geane nei skoalle yn Boarnburgum.
[bewurkje seksje] Befolking:
[bewurkje seksje] Strjitten
Boerestreek, Galhoeke, Himsterfinnen, Prikwei, Sânbuorren.
