Menso Alting
Ut Wikipedy
Menso Alting (9 novimber 1541 7 oktober 1612) wie in Nederlânske predikant en tsjerkeherfoarmer.
Menso Altins is berne yn Eelde. Nei inkele skoallen yn Nederlân en Dútslân hat hy teology studearre yn Keulen. Yn 1564 is hy beneamd ta fikaris fan Haren. Inkele moannen letter is hy beneamd ta pastor fan Sleen. Wierskynlik is Menso Alting yn dizze perioade nea yn Sleen west en brûkte hy dizze fûnkjes, dy’t hy te danken hie oan ynfloedrike famyljeleden, allinnich as ynkomstenboarne foar syn stúdzje.
Noch tidens syn stúdzje gie hy by de protestantske beweging. Hy gie mei syn stúdzje troch yn Heidelberg. Neidat hy klear wie mei syn stúdzje gie hy werom nei Helpen en Sleen om de ynwenners te bekearen ta it Kalvinisme.
Yn july 1567, nei de byldestoarm gie hy Dútslân. Yn Nederlân wie hy syn libben net seker. Hy kaam yn 1575 terjochte yn East-Fryslân, yn de stêd Emden. Om dy tiid bestie hast de helte fan de befolking fan dizze stêd út flechtelingen út De Nederlannen. Nei skatting binne yn de twadde helte fan de 16e ieu sa'n 6000 Nederlanders nei Emden ta gien.
Yn oktober 1575 is hy beneamd ta predikant fan de grutte tsjerke yn Emden en as polityk lieder. Hy soarge foar in trochbraak fan it Kalvinisme yn Emden. Koart neidat hy predikant wurden wie ferstoar grevinne Anna fan Oldenburch. Menso Alting liede de Kalvinistyske de tsjinst.
Greve Willem Loadewyk, steedhâlder fan Fryslân, helle Menso Alting yn 1594 werom nei Drinte. Oan dizze perioade dankt Menso Altins syn bynamme "de tsjerkeherfoarmer fan Drinte". Hy brûkte faaks hunebêden as kânsel foar syn hagepreken. It hunebêd D49 by Schoonoord, hjit dan ek noch altyd de Papeleaze tsjerke.
Yn maart 1595 spile Menso Alting in grutte rol by in opstân fan de Kalvinistyske befolking fan Emden tsjin de Luterske greve fan East-Fryslân, Edzard II. Alting tocht dat Emden him ek oansluten soe by de opstannige Nederlannen. Net folle letter ferklearre de sted him ûnôfhinklik fan East-Fryslân. By it ferdrach fan Delfsyl krige Emden in semy-autonome status, dy’t it oant 1744 hâlde soe.
Menso Altins is ferstoarn op 70-jierrige leeftyd yn Emden.
