Tersoal
Ut Wikipedy
Tersoal is in doarp yn de gemeente Boarnsterhim, west fan Jirnsum. It doarp hat likernôch 300 ynwenners (2004). Tersoal leit yn de Lege Geaën oan de Snitser Aldfeart tusken Poppenwier en Sibrandabuorren.
Oant de gemeentlike weryndieling yn 1984 makke Tersoal diel út fan de eardere gemeente Raarderhim, neamd nei ien fan de Fryske Himpolders fan de âlde Middelsee. Sûnt 1989 is de offisjele namme Tersoal.
Al yn 1333 wurdt Zole, letter ek Soel al neamd. Doe waard tagelyk mei de kapel yn Sibrandabuorren in alter oan de Utertse biskop wijd. De delsetting lei frijwat isolearre en wie eins allinnich oer wetter en oer fuotpaden goed te berikken.
Ynhâld |
[bewurkje seksje] Preamkeskowe
Alle jierren wurdt it kampioenskip Preamkeskowe holden. Der moat dan tolve kilometer boomd wurde mei in pream, neffens foarskrift yn tradysjonele boereklean. Der moat ek molkbussen meinomd wurde en eltse pream hat de Preamkeninginne fan it eigen doarp út de Legeaën oan board. De Sulveren Pream is foar de winners.
[bewurkje seksje] Mienskip
Doarpshûs De Tuolle stiet in oan Komelkerspaad. De Tersoalster Courant is de doarpskrante. Fan Feest Wis is de feestkommisje en de Reinbôge de basisskoalle fan Tersoal.
[bewurkje seksje] Ferienings
Sportstifting 'Kubus' is oerkoepeljende organisaasje foar gymnastyk, jazz, badminton, sealfuotbal foar de jongerein en folleybal
- Adam en Atze - iisklub
- Lytse Krêft -sjongen
- Auke Roukes - sjongen
- De Twa Doarpen - jeugdtoaniel
- De Ald Hij - aaisikers
- Ons Genoegen - biljerten
- Tot Ons Genoegen / De Rappe strikers (jeugd)- damjen
- gymnastykferiening
- Den Bealch - roeisloepen
- De Lege Geaën - keatsen
- De Lege Geaën - kuorbal
- Los fan 'e man
- Raerderhiniruters
[bewurkje seksje] Befolking
[bewurkje seksje] Strjitten
Adam en Atze strjitte, Buorren, Bûtlânswei, Durk Dijkstrastrjitte, Grienedyk, It Pûnsmiet, Komelkerspaad, Suderom, Westerein, Wiersterwei.
Utlis oer de strjitnammen stiet op de side fan Tersoal.
