Winsum (Littenseradiel)
Ut Wikipedy
Winsum is in doarp yn Littenseradiel mei 1.077 ynwenners (1 jannewaris 2003). It doarp leit noardwest fan Easterlittens ynklamme tusken de N384 en de Frjentsjerter Feart. Oant de gemeentlike weryndieling yn 1984 makke Winsum as ien fan de fyftjin doarpen diel út fan de eardere gemeente Baarderadiel, wêrby't Mantgum it haadplak wie.
Ynhâld |
[bewurkje seksje] Skiednis
By opgravings fan de eartiidske terp yn Winsum is dúdlik wurden dat der yn de earste helt de 1e ieu al minsken wennen. Hiel bysûnder wienen de Romeinske fynsten lyks muntsjes dy't dien binne. Neist de Romeinske haven fan Felsen (Noard-Hollân) is Winsum nammentlik it iennichste plak yn Nederlân dêr't oant no ta de oanwêzigens fan Romeinske soldaten bûten de Romeinske ryksgrins bewiisd is. Spoaren fan in Romeinsk kamp binne lykwols net oantroffen.
Yn 1586 waard Winsum troch de Spaanske troepen delbaarnd. Oant de gemeentlike weryndieling yn 1984, makke Winsum diel út fan de gemeente Baarderadiel.
[bewurkje seksje] Ferskaat
- Yn Winsum wurdt alle jierren op de twadde sneon fan augustus it Frysk kampioenskip Fierljeppen hâlden.
- It doarp leit oan it Jabikspaad.
[bewurkje seksje] Mienskip
Winsum hat in feriening foar Doarpsbelang dy't har gearkomsten hat yn doarpssintrum “De Helling. De Mied'skoalle en De Stapstien binne de basisskoallen en It pjutteboartersplak hjit It Pikepôltsje. Yn it lêste wykein fan juny is it doarpsfeest. De wurkgroep Wolwêzen soarget meast foar in temajûn.
[bewurkje seksje] Ferienings
- Nim it sa`t is - toaniel
- keatsferiening
- Folle(y)wille - folleybal
- Topspin - tennis
[bewurkje seksje] Untwikkeling ynwennertal
- 2003 - 1.077
- 2002 - 1.059
- 2001 - 1.034
- 2000 - 991
- 1999 - 990
- 1998 - 1.016
- 1995 - 1.009
- 1990 - 1002
- 1980 - 965
- 1970 - 948
- 1960 - 815
- 1950 - 693
- 1940 - 598
[bewurkje seksje] Berne yn Winsum
- Johannes Meynen (13 april 1901), politikus († 1980)
- Douwe Tamminga (22 novimber 1909), dichter en oersetter († 2002)
[bewurkje seksje] Strjitten
Boskdyk, De Haven, De Nije Herne, De Omrin, De Terp, Fikarusleane, Froonackerdyk, Grutte Streek, Hegeterp, Iisbaanstrjitte, It Heechhout, Kleasterdyk, Koaidyk, Lytse Streek, Meamert, Meamerterdyk, Mied'igge, Molepaad, Pier Winsemiusleane, Sint Japiksdyk, Skâns, Skyldumerreed, Spannumerdyk, St. Michaelsberch, Stjelpdyk, Sulverstrjitte, Tsjerkebuorren, Utbuorren, Weakens.
