Cumann Lúthchleas Gael
Ón Vicipéid, an chiclipéid shaor.
| Cumann Lúthchleas Gael | |
 Lógó corparáide an CLG |
|
| Ceanncheathrú: | Páirc an Chrócaigh, BÁC |
| Ard-Rúnaí: | Nioclás Ó Braonáin |
| Foirmiú: | 1884 |
| Suíomh gréasáin oifigiúl: | http://www.GAA.ie |
Is cumann spóirt Éireannach é an Cumann Lúthchleas Gael. Réachtalaíonn sé gach cluiche Gaelach: iomáint, peil ghaelach, cluiche corr, liathróid láimhe agus camógaíocht. Tá a cheanncheathrú i bPáirc an Chrócaigh, Baile Átha Cliath. Bunaíodh i 1884 é, b'iad Charles Stewart Parnell, Mícheál Ó Cíosóig agus Tomás Cróc i measc a phátrúin.
Clár ábhair |
[athraigh] Stair an Chumainn
Tugann Cumann Lúthchleas Gael tacaíocht mhór do chluichí ar nós Iománaíocht agus Peil Ghaelach. Tugann an eagraíocht tacaíocht láidir freisin don Ghaeilge agus tá an aidhm sin mar chuid lárnach d'imeachtaí an chumainn. Tá craobh den chumann le fáil i bparóistí agus i gcontaetha na hÉireann. Tá an eagraíocht ar cheann de na príomh eagraíochtaí a nascanna daoine le chéile sa tír seo. Tá 800,000 míle duine páirteach sa gcumann.
[athraigh] Bunú an Chumainn
Fear as Contae an Chláir, Mícheál Ó Cíosóig a bhunaigh an cumann an chéad lá ariamh. Rugadh é sa bhliain 1847. Cháiligh sé mar mhúinteoir bunscoile ó choláiste na Carraige Duibhe, Baile Átha Cliath. Sa bhliain 1877, bhunaigh sé a scoil féin, chun stát sheirbhísigh a réiteach do scrúduithe chun post a fháil le Stát Sheirbhís na Breataine. Tugadh Acadamh Cusack ar an scoil. D'éirigh thar cionn lena chuid scoláirí agus bhain an scoil cáil amach. Tháinig meadú mór dá bharr ar líon na mac léinn agus moladh dóibh a bheith aclaí agus folláin agus gur bé an rud ab fhearr dóibh ná bheith páirteach in imeachtaí aclaíochta.
Fear é Micheal Cusack a bhí tugtha don Ghaeilge agus bhí an-imní air freisin faoin laghdú a bhí tagtha ar stad na h-imeartha i gcuid de na cluichí Éireannacha. Shocaigh sé aghaidh a thabhairt ar an gceist agus cluiche na hiománaíochta a thabhairt chun fóirfe arís. Chas sé le roinnt daoine eile a bhí chomh díograiseach céanna leis féin. Is de bharr an fheachtais seo a bunaíodh Cumann Lúthchleas Gael ar an gcéad lá de mhí na Samhna 1884 i gCo. Thiobrad Árann.
[athraigh] Éachtaí an Chumainn
Murach bunú an chumainn agus iarrachtaí an uasail Cusack, is cinnte nach mbeadh cluiche na hiománaíochta ná na cluichí eile againn inniu. Thug an Cumann deis do dhaoine a bheith páirteach sna cluichí, chuidigh sé leis an mbród agus a bhféin-mheas mar phobal Éireannach. Tá fréamhacha an chumainn fíte fúaite sa bpobal ag léibhéil éagsúla ,sa bparósite, sa gcontae, go réigiúnach agus go náisiúnta. Déanann an CLG freastal ar óg agus aosta. Tá an eagraíocht ar cheann de na cinn is mó ar domhan. Tá 3,000 cumann nó níos mó acu agus is mór an líon a thagann faoi thiochar an chumainn sa gcóras oideachais ach go háirithe. Fiú, tá craobhacha agus foirne an chumainn le fáil ar fud an domhain. Imrítear craobh ceannais na gcluichí i bPáirc an Chrócaigh Baile Átha Cliath, páirc mhór bhreá. Tá cinneadh déanta le déanaí ag an CLG cead a thabhairt do lucht sacair agus rugair Páirc an Chrocaigh a úsáid le linn do Bhóthair Lansdúin a bheith dúnta. Is céim ollmhór chun cinn í seo i stair CLG. Ni fada uainn an lá go mbeidh foirne sacair agus rugbaí an domhain ag imirt inti.
[athraigh] CLG in Éirinn
Tá eagraíocht áitiúil i ngach contae in Éirinn, atá freagrach ar na gcluichí Ghaelacha a imrítear ann.
- Cúige Mumhan
- Cúige Uladh
- CLG Aontroim
- CLG Ard Mhacha
- CLG an Cabhán
- CLG Doire
- CLG Dún na nGall
- CLG an Dún
- CLG Fear Manach
- CLG Muineachán
- CLG Coiste Thir Eoghain
[athraigh] Seicteachas sa gCumann
Cuireadh i leith CLG go minic go raibh an eagraíocht seicteach agus gur theastaigh uatha pobail éagsúla a choinneáil ón gcumann. Is minic gur é seo an port a bhíodh á sheinnt ag polaiteoirí áirithe i dTuaisceart Éireann. Deir siad go mion minic go raibh an eagraíocht claonta i dtreo náisiúnaithe agus poblachtanaigh agus an Eaglais Chaitliceach. Bhí an argóint ag an gCumann Lúthchleas Gael gur spreag siad daoine riamh le meas a bheith acu ar a dtír agus gach ar bhain léi seachas cúrsaí creidimh. Go deimhin níl aon bhunús leis an argóint sin anois in aghaidh an chumainn agus cead ag póiliní agus saighdiúirí na Breataine ballraíocht a ghlacadh ina gcuid cumann.
