Proinsias Mac Aodhagáin
Ón Vicipéid, an chiclipéid shaor.
| Proinsias Mac Aogáin | |
 |
|
|
5ú Tánaiste
|
|
| In oifig 21 Aibreán, 1965 - 2 Iúil, 1969 |
|
| Réamhtheachtaí: | Seán Mac an tSaoi |
| Comharba: | Erskine Hamilton Childers |
|
Aire Gnóthaí Eachtracha
|
|
| In oifig 1957 – 1969 |
|
| Réamhtheachtaí: | Liam Mac Cosgair |
| Comharba: | Pádraig Ó hIrighile |
|
|
|
| Dáta breithe | 13 Feabhra, 1898 |
| Contae Ard Mhacha | |
| Dáta báis | 18 Bealtaine, 1983 |
| BÁC | |
| Páirtí | Fianna Fáil |
Polaiteoir sinsearach Éireannach ab ea é Proinsias Mac Aodhagáin (níos deireanaí, Proinsias Mac Aogáin ina úsáid féin) nó Frank Aiken as Béarla (13 Feabhra, 1898 - 18 Bealtaine, 1983). In éineacht le Eamon de Valera, bhí sé ar duine acu siúd a bhunaigh Fianna Fáil ar 23 Márta, 1926. Vótáladh isteach ar an Dáil an chéad uair sa bhliain 1923 é, agus mhair sé ansin go dtí an bhliain 1973. Bhí sé ina Thánaiste sna blianta ó 1965 go dtí 1969.
[athraigh] Saol
Saolaíodh an tAodhagánach i gCamloch, Contae Ard Mhacha sa bhliain 1898. Chuaigh sé isteach sna hÓglaigh sa bhliain 1914, agus bhí sé ina bhall den IRA i gCogadh na Saoirse. Ní raibh sé sásta leis an gConradh Angla-Éireannach ná leis an Saorstát, agus mar sin, chuir sé troid ar lucht leanúna an Choileánaigh. Tháinig sé i gcomharbas ar Liam Ó Loingsigh mar Cheann Foirne ar an IRA. B'eisean a d'ordaigh don IRA scor den chath agus na hairm a dhumpáil, ar an 24 Bealtaine, 1923, agus mar sin, is féidir a rá gurbh eisean a chuir deireadh le Cogadh Cathartha na hÉireann. Mhair sé ina Cheann Foirne ar an IRA go dtí 12 Samhain, 1925.
Bhí an tAodhagánach ar an chéad Aire Cosanta in aon rialtas de chuid Fhianna Fáil, agus b'eisean a choinnigh súil ar chúrsaí cosanta na tíre i Ré na Práinne, is é sin, i mblianta an Dara Cogadh Domhanda. Sna blianta i ndiaidh an chogaidh, chaith sé trí bliana ina Aire Airgeadais, ach is mar Aire Gnóthaí Eachtracha is mó is cuimhin leis na daoine é inniu. Chuir sé béim ar chearta na náisiún beag mar bhaill chothroma de na Náisiúin Aontaithe, agus theastaigh uaidh polasaí neamhspleách a bheith ag Éirinn sna gnóthaí eachtracha. Bhí sé barúlach gur chóir d'Éirinn dlúthpháirtíocht a léiriú do na náisiúin bheaga eile, ar nós na Tibéide agus na hUngáire, a bhí i mbéal an phobail sna caogaidí.
Thacaigh sé le neamhspleáchas na hAilgéire freisin, nuair a bhí cogadh coilíneach ar siúl ag an bhFrainc sa tír sin, agus bhí sé go tréan in aghaidh na hapairtéide. Chuir sé béim ar thábhacht an dlí idirnáisiúnta mar urra le saoirse na náisiún beag agus mar sciath chosanta ar bhagairt an chogaidh adamhaigh. Bhí plean dá chuid féin le síocháin a thabhairt isteach sa Mheán-Oirthear, agus shíl sé gurbh í Éire an tír cheart le headráin a dhéanamh idir Iosrael agus na hArabaigh, ó bhí caidreamh maith ag Éirinn le dhá thaobh na coimhlinte.
D'éirigh an tAodhagánach as an bpolaitíocht go hiomlán sa bhliain 1973, ó bhí sé míshásta le Cathal Ó hEochaidh agus leis an tionchar a bhí aige siúd sa pháirtí. D'iarr an tUachtarán de Valera air bheith ina iarrthóir d'Fhianna Fáil sa chéad toghchán Uachtaráin eile, ach d'fhág an tAodhagánach an Uachtaránacht ag Erskine Hamilton Childers.
| Tánaistí na hÉireann |
 |
|
|
Seán T. Ó Ceallaigh | Seán F. Lemass | Liam Ó Neachtain | Seán Mac an tSaoi | Proinsias Mac Aogáin | Erskine Childers | Breandán Mac Fheorais | Seoirse Ó Colla | Micheál Ó Laoire | Réamann Mac Searraigh | Risteard Mac An Earraigh | Peadar de Barra | Brian Ó Luineacháin | Seán P. Mac Uilliam | Parthalán Ó hEachthairn | Máire Ní Áirne | Mícheál Mac Dubhghaill | Brian Ó Comhain |
Má tá alt níos forbartha le fáil i dteanga eile, is féidir leat aistriúchán Gaeilge a dhéanamh.
