Bahnowa smjetanka
Z Wikipedije, swobodneje encyklopedije
Bahnowa smjetanka |
|
---|---|
Bahnowa smjetanka | |
systematika | |
Domena | Eukarioty |
Swět | Rostlinstwo |
klasa: | (Rosopsida) |
podklasa: | (Rosidae) |
porjad: | (Rosales) |
swójba: | Róžowe rostliny (Rosaceae) |
podswójba: | (Rosoideae) |
ród: | Smjetanka (Filipendula) |
družina: | Bahnowa smjetanka |
wědomostne mjeno | |
Filipendula ulmaria | |
L. | |
Bahnowa smjetanka (łaćonsce: Filipendula ulmaria) (mjedawka) je rostlina ze swójby róžowych rostlinow.
Wobsah |
[wobdźěłać] Wopis
Bahnowa smjetanka je wjacelětna, zelišćowa rostlina, kotraž dosahuje wysokosć wot 2 m. Stołpiki su lisćate. Łopjena su horjeka ćěmnozelene, nahe, ale deleka najčasćišo běłopjelsćojto kosmate, zrědka nimale zelene; pjerite z 5-11 cunjo zubatymi łopjenkemi. Wona kćěje wot junija hač do awgusta. Kćenja su husto stejace, we wjacekćenskich pakićojtych dźělokwětnistwach. Keluškowe łopjena dosahuja dołhosć wot 1mm. Kćenjowe łopješka su 5 abo 6, kulojte hač do owalne, dosahuja dołhosć mjezy 2 a 5 mm a su žołtoběłe.
Kćenja buchu wot insektow wopróšene. Rozšěrjenje płodow so přewjedźe přez wětr a wodu.
[wobdźěłać] Stejnišćo
Wona rosće na wysokotrajnowych honach, słanjowych łukach a rěčnych brjohach.
[wobdźěłać] Přestrjeń
Bahnowa smjetanka je w nimale cyłej Europje (z wuwzaćom někotrych kupow w južnej mediteranej regionje), wuchodźe hač do wuchodnej Azije rozšěrjena.
[wobdźěłać] Podobna družina
- Dulkata smjetanka - kotrejež łopjena su na woběmaj stronomaj zelene, pjerite z 21-81 hrubje zubatymi łopjenkemi. Wona ma 6 kćenjowe łopješka, kotrež dosahuja dołhosć mjezy 5 a 10 cm. Płody su kosmate, rune a zrunane. Wona rosće na suchich łukach.
[wobdźěłać] Wužiwanje
Kćenja tuteje družiny móže so kaž hojenski čaj přećiwo reumatizmej a chorosćam močowych pućow wužiwać, dokelž cyła rostlina wobsahuje salicylowu kisalinu.
[wobdźěłać] Žórła
- Aichele, D., Golte-Brechtle, M.: Was blüht denn da Wildwachsende Blütenpflanzen Mitteleuropas. Kosmos Naturführer (1997)
- GU Maxi-Kompaß Blumen, ISBN 3-7742-3852-9, strona 178
- GU Naturführer Blumen, ISBN 3-7742-1507-3, stronje 180-181
- Kral, Jurij: Serbsko-němski słownik hornjołužiskeje rěče. Maćica serbska, Budyšin (1927)
- Kubát, K. (Hlavní editor): Klíč ke květeně České reubliky. Academia, Praha (2002)
- Lajnert, Jan: Rostlinske mjena. Serbske. Němske. Łaćanske. Rjadowane po přirodnym systemje. Volk und Wissen Volkseigener Verlag Berlin (1954)
- Pfuhl: Łužiski serbski słownik, Z nakładom Naćicy Serbskeje, Budyšin (1866)
- Rězak, Filip: Němsko-serbski wšowědny słownik hornjołužiskeje rěče. Donnerhak, Budyšin (1920)
- Rothmaler, W. et al.: Exkursionsflora von Deutschland, Band 1-4, Spektrum Akademischer Verlag, Heidleberg, Berlin (2002)
- Seidel/Eisenreich: BLV Bestimmungsbuch Blütenpflanzen, ISBN 3-405-13557-5, stronje 88-89
- Strasburger, E. et al.: Lehrbuch der Botanic für Hochschulen. 35. Auflage, Spektrum Akademischer Verlag, Heidleberg, Berlin (2002)
- Urban, M.: Serbske rostlinske mjena (Michał Rostok, Jan Radyserb Wjela), Budyšin (1908)
- Völkel, Pawoł: Hornjoserbsko-němski słownik, Ludowe nakładnistwo Domowina, Budyšin (1981)
[wobdźěłać] Eksterne wotkazy
- BioLib (česki, jend.)
- Botanický herbář (česki)
- Bylinky na dlani (česki)
- garten.cz (česki, pólski, něm., jend., słow.)
- G. Madaus: Lehrbuch der biologischen Heilmittel (něm.)
- crescent bloom (jend.)
- USDA plants database (jend.)
- Flora of Northern Ireland (jend.)
- Plants for a Future (jend.)