DeyziDoxs
Z Wikipedije, swobodneje encyklopedije
DeyziDoxs je wuspěšna serbska nu metal-metalcore skupina, kiž liči so k najznaćišim skupinam Łužicy. Skupina so wuznamjenja přez wjelestronsku hudźbu, při kotrejž tworitej nu-metal a metalcore jenož zakład. Dla wliwow hip-hopa kaž tež funka a ludoweje hudźby, je DeyziDoxs jedna z najinowatiwnišich skupin Łužicy. Na temy bohate teksty su za připosłucharja lochko přistupne, dokelž jednaja wo wšědnych problemach a začućach. Wosebitostka je pak tež předźěłanje serbskeje problematiki, kiž so w tutej formje pola druhich skupin njenamaka.
DeyziDoxs je jedna z mało skupin, kotraž je tež nadregionalnje znata. Wo tym swědča hižo wjacore koncerty w susodnej Pólskej a Čěskej.
Wobsah |
[wobdźěłać] Zestawa skupiny
[wobdźěłać] Aktiwni
- spěwar - Daniel Bětnar
- gitara - Marian Wjenk
- gitara - Florian Jurenc
- bas- Marek Rjelka
- keyboard - Marko Njek
- bijadło - Jan Čórlich
[wobdźěłać] Něhdyši
- Bijadło - Stefan Herz
- Bijadło - Tomaš Jurk
- Bijadło - Benedikt Rjenć
- DJ - Matthias Čižank
[wobdźěłać] Stawizny skupiny
W lěće 2001 bu skupina wot Mariana Wjenki, Daniela Bětnarja, Marka Njeka, Tomaša Jurka a Mareka Rjelki (wšitcy šulerjo serbskeho gymnazija) załožena. Hišće w juliju samsneho lěta měješe skupina swój prěni wustup. Twjerdy zwuk tehdy hišće přewahowaceho "cross-over" pokazowaše hižo na to, do kotreho směra so wona wuwije. W tutym času stachu so tež jeje intro a wosebite kostimy za wustupy ze znamjenjom skupiny. Hač do nalěća 2003 měnještaj so husćišo wobsadka kaž tež hudźbny směr skupiny. Tak so DeyziDoxs we wonym nalěću ze směrom předstaji, kotryž běše přewinył "cross-over" a je dźensa hišće markantny za skupinu. Kwalita spěwow njetrjeba so přirunowanja ze znatej ameriskej skupinu Korn bojeć. Hač do dźensnišeho je jich hudźba wo něšto twjerdša, ale w zasadźe njeje so wo wjele změniła.
