Lisćina serbskich hudźbnych skupinow
Z Wikipedije, swobodneje encyklopedije
K serbskim hudźbnym skupinam liča wšitke hudźbne formacije kiž tworja swójske twórby a tute přednjesu abo twórby druhich wuměłcow předstajeja. Serbska lyrika, respektiwnje zasopodaće serbskich tekstow je přiwšěm sekundarny kriterij za serbsku skupinu. Hłowny kriterij je poprawom přisłušnosć sobustawow k serbskemu ludej. Tak eksistuja tež měšane formy skupinow (sobustawojo ze serbskeho luda kaž tež z němskeho).
Tež solo-hudźbnicy při wustupach ze skupinu wustupuja ale při tym je skupina jenož k přewodźenju hudźbnika na jewišću.
Wobsah |
[wobdźěłać] Lisćina
[wobdźěłać] Aktiwne skupiny
- DeyziDoxs (nu metal/metalcore) [1]
- Invisible Ink (rock)
- SG Sněhowka (pop + kabaret)
- Sprjewjan (folklora)
- Stoned Hajtzer (nihihu) [2]
- The Genious (rock)
- Widła (ancient sorbian bloodmetal) [3]
- Wólbernosće (folklora a dalše)
[wobdźěłać] Skupiny ze serbskimi sobustawami
- ashtar-DXD (breakcore) [4]
- Awful Noise (progresiwny rock/grunge) [5]
- Scavenge (metal)
- Torment of Prometheus (swedish death metal[1]) [6]
- ↑ Šwedske nima ničo z tym činić, zo su ze Šwedskeje ale dokelž ma šwedski death metal swójsku charakteristisku a dóstanje tohodla swójske pomjenowanje - Torment of Prometheus za tutym směrom klinča
[wobdźěłać] Něhdyše skupiny
- Blind Judgement (nu deathgrind)
- Severus (happy metal)
- Crying Blue (groovy-retro-hardrockfunk)
- Kadenca (šlagerpop)
- Lózy hólcy (pop + kabaret)
- Mailed Flyer (melodic metal)
- Sharp Tongue (rock)
[wobdźěłać] Stawizny serbskich skupinow
Hłownje hodźi so nastaće serbskich skupinow do 4 fazow rozrjadować resp. do 4 časowych wotrězkow.
[wobdźěłać] Faza 1: Do přewróta
Do tuteho časa přisłušeja prěnje serbske skupiny kaž Kadenca.
[wobdźěłać] Faza 2: 1990-te lěta
Prěnje serbske rockowy a metalowy skupiny nastanu, na přikład Awful Noise, najznaćiša a wuspěšniša skupina, Crying Blue z jich spěwarjom a gitaristom Istvánom Kobjelu a Stoned Hajtzer, kiž z jich kompleksno-eksperimentalno metlom bjeze přirunowanja su a z jich Nihihu dospołnje na swójskich pućach du. Tohorunja do toho časa słuša kabaretna skupina Lózy Hólcy, kotraž dla hinajšeho stila a wašnja (program z skečemi a spěwami) so přirunować njehodźa. Zhromadne maja wšitke skupiny, zo su byli tak wuspěšne, zo je so za nahrawanje profesijonelneje Cdeje hodźało (štož w tamnych fazach so wjace njejewi, nimo SG Sněhowka, je pak to naslědnik Lózych Hólcow).
[wobdźěłać] Faza 3: Přewrót do noweho lěttysaca
K spočatku nowemu lěttysacej su so załožili wjacore nowych skupin, tež pola nich je so tendenca k twjerdym zynkam dale wjedła. Dźěći tuteho časa su na přikład Mailed Flyer, kiž pak je so 2001/02 zaso rozpušćiła, DeyziDoxs, kotraž hač do dźensa znata a wuspěšna skupina je a Blind Judgement, kotraž běše hač do rozpušćenja 2006 najtwjerdša formacija we Łužice. Wot tutych skupin eksistuja wšelajke natočenja a demo-cdeje (kiž w padźe DeyziDoxs chětro profesijonelne natoćene su), ale žane alby.
[wobdźěłać] Faza 4: Wot spočatka 21. lětstotka hač k dźensa
W poslednjej fazy hač k dźensnišim, słušeja skupiny kaž Severus, Sharp Tongue (wobej hižo rozpušćenej), Widła, The Genious a Invisible Ink. Charakterizujomne za tute skupiny je, zo so hišće w nastaću přebywaja, najwjace tutych skupin nima tuchwilne hišće wjace hač 1, 2 wustupaj a zo w směrje přeco hišće rock přewahuje, k pytnjenju je pak tendenca wróćo k menje twjerdeje hudźby. Wuwzaće tworja tu SG Sněhowka a Wólbornosće, kotřiž dla nazhonjenja jednotliwych sobustałow a zabawjaceho charaktera wjace ludźi kaž tež staršu generaciju narěča.
[wobdźěłać] Situacija dźensa a wuhlad do přichoda
Hudźbna situacija we Łužicy njeje špatna, dorost je tu, by so dyrbjał jenož spěchować, a na tutym faluje. Potencial je w tutych skupinach wulki, ale trebaja móžnosć wustupować. Za młodych wuměłcow pobrachuja cyle jednorje móžnosće prezentowanja. Sami koncert na nohi stajić dla financijelnych přičinow njeje móžne a jednotliwe kluby a towarstwa so financijelneho risika tež straša, štož hladajo na to, zo přeco wjele konkurency maš, njedźiła. To by tež přičina móhła być, zo so w přichodźe hišće wjace młodych, serbskich skupinow rozpušća. Łužica je hišće chětro chuda na wšelakich hudźbnych směrach ale wšelake pohiby w serbskej hudźbnej scenje pokazaja na bórzomne polěpšenje.
