Krajny wokrjes Sächsische Schweiz
Z Wikipedije, swobodneje encyklopedije
Wopon | Mapa Němskeje |
---|---|
Zakładny daty | |
Zwjazkowy kraj: | Sakska |
Knježerstwowy wobwod: | Drježdźany |
Zarjadniske sydło: | Pirna |
Přestrjeń: | 887,89 km² |
Wobydlerjo: | 138.486 (31. decembra 2006) |
Hustosć ludnosće: | 156 wobydlerjow/km² |
Kfz-znamjo: | PIR |
Wokrjesny kluč: | 14 2 87 |
Rozčłonkowanje wokrjesa: | 25 gmejnow |
Adresa wokrjesneho zarjadnistwa: | Zehistaer Straße 9 01796 Pirna |
Websydło: | lra-saechsische-schweiz.de |
Krajny rada: | Michael Geisler (CDU) |
Połoženje krajneho wokrjesa Sächsische Schweiz w Sakskej | |
Krajny wokrjes Sächsische Schweiz je krajny wokrjes w Sakskej.
Wobsah |
[wobdźěłać] Geografija
Krajny wokrjes Sächsische Schweiz leži juhowuchodnje wot krajneho hłowneho města Drježdźany. Susodne teritorije su Čěska na wuchod a na juh, wokrjes Weißeritzkreis na zapad, Drježdźany w sewjerzapadźe a na sewjer krajnej wokrjesaj Kamjenc Budyšin. Jadrowy teritorij wokrjesa wobsahuje Saksku Šwicu, w sewjerowuchodźe wšak tež wuběžki Łužiskich hór a na zapad předběžki Rudnych hór. Prěki přez wokrjes běži Łobjo. Najniše městno wokrjesa je při Łobjowym brjoze na mjezy z Drježdźanami z 109 m, najwyše městno je wyšina Oelsener Höhe z 644 m pola Oelsena w juhozapadźe wokrjesa we wuchodnych Rudnych horach.
[wobdźěłać] Hospodarstwo
Prjedy bě we łobjowym dole wokoło Heidenau a Pirny wjele industrije, na př. celulozowe zawody a wobručowa industrija. Tute zawody hižo njeeksistuja, přestrjenje su so saněrowali a do wobwody małopřemysłow přetworili. Pola Königsteina wukonješe SDAG Wismut uranowe hórnistwo. Tute je tohorunja zawrjene a wotpowědne podkopki so saněruja.
Dźensa je turizm wažna hospodarska hałuza z wjacorymi lěkowanišćemi, w Sebnitzu je zhotowjenje kumštnych kwětkow kaž tež zhotowjer modelowych železničkow.
[wobdźěłać] Politika
Region wupłodźi předewšěm w lěće 2004 přez nadpřerěznje wysoke wuslědki (hač k 25 %) prawicarskoekstremneje NPD pola sakskich komunalnych a krajnosejmowych wólbow negatiwne powěsće. Kameradstwo skinheadow „Skinheads Sächsische Schweiz“ (SSS) je so tu w lěće 1997 załožiło. Jeho mócnosć bu w lěće 2000 na 100 čłonow trochowana. Jeho namócneho razu dla je je sakski nutřkowny minister w aprylu 2001 zakazał. Neonacije su wšak přeco hišće aktiwni w regionje. Jeničce mjez 2002 a 2004 bě 930 prawicarskoekstremnych přesahow, předewšěm napřećo lěwim młodźencam a wukrajnikam a něhdźe 600 wozjewjenkow pola zarjadow.
[wobdźěłać] Wobchad
A 17 mjez Drježdźanami a němsko-čěskej mjezu je wot decembra 2006 přezcyłnje wobjězdźomna. Na sewjer tanguje B 6 wokrjes, podłu Łobja přeběži B 172. Namjezny přechody do Češkeje su w Bahratalu do Petrovic, Schmilka pola Bad Schandau do Hřenska a w Sebnitzu do Dolního Poustevny. Nimo toho je wulka ličba mjezu překročacych turistiskich pućow a mjezu překročacy přewoz z Schöny do Hřenska. Podłu Łobja wjedźe so hłowna čara železnicy (z Drježdźan do Prahi) a pódlanska čara z Bad Schandau přez Sebnitz dale donach Neustadta a Müglitztalbahn z Heidenau do Altenberga (wokrjes Weißeritzkreis). Wobě čarje wuznamjenjetej přez wuske křiwicy, nastupy, tunle a wiadukty, čara Bad Schandau – Sebnitz – Neustadt dósta tohodla tež mjeno Sakska Semmeringowa železnica, byrnjež so tute mjeno poprawom Windbergowej železnicy pola Freitala/Drježdźan přiličiło. Byrnjež dołha tradicija za wužiwanje mjena Sakska Semmeringowa železnica za čaru Bad Schandau - Sebnitz - Neustadt była, je sudnistwo rozsudźił, zo tuta čara hižo njesmě tute mjeno njesć.
[wobdźěłać] Stawizny
Krajny wokrjes je přez wokrjesnu reformu 1. awgusta 1994 z wokrjesow Sebnitz a Pirna nastał. Při wulka woda Łobja w lěću 2002, t. mj. lětstotkowa lijeńca bu wjele městow a gmejnow ćežko trjechiło, najprjedy přez přitoki Łobja a potom přez wulku wodu Łobja.
[wobdźěłać] Wopon
Rozjasnjenje wopona: Na zelenym polu běłe (heraldisce: slěborne) polo wotlěwa horjeka doprawa deleka (heraldisce: wot horjeka prawo do deleka lěwo).
Symbol za krajinowu dominantu wokrjesa, Łobjo. Łobjo je kaž žadyn druhi krajinowy element region w jeho natwarje, w jeho stawiznach kaž tež w hospodarskim a kulturalnym wuwiću. Łobjo bě geografiska směrnica za prudy ludow a kulturow, wono bě wuchadźišćo za wobsydlenja a wobchad w našich kónčinach a tworješe zakład za wjele awtochtonych přemysłow. Łobjo je pak tež ze swojeje strony symbol za wšelakore zwiski krajneho wokrjesa won.
Z tym ma wysoki podźěl lěsa a jeho wuznam za wuwiće wobwoda zwuraznjeć; nimo toho wysoka wočerstwjenska hódnota krajiny a fakt, zo něhdźe 62 % wokrjesneho teritorija je škitana krajina.
Pokaz na wobaj wokrjesaj Pirna a Sebnitz, z kotrejuž so nowy wokrjes zestaješe. Barbna kombinacija běły/zeleny: Pokaz na saksej krajnej barbje.[1] |
[wobdźěłać] Města a gmejny
(Ličby wobydlerjow wot 31. decembra 2006)
Města
|
Gmejny
|
Zarjadniske zhromadźenstwa
- Zarjadniske zhromadźenstwo Bad Gottleuba-Berggießhübel z čłonskimi gmejnami Bad Gottleuba-Berggießhübel, Bahretal a Liebstadt
- Zarjadniske zhromadźenstwo Bad Schandau z čłonskimi gmejnami Bad Schandau, Porschdorf, Rathmannsdorf a Reinhardtsdorf-Schöna
- Zarjadniske zhromadźenstwo Dohna-Müglitztal z čłonskimaj gmejnomaj Dohna (sydło) a Müglitztal
- Zarjadniske zhromadźenstwo Königstein (Sakska Šwica) z čłonskimi gmejnami Gohrisch, Königstein (Sakska Šwica), Rathen, Rosenthal-Bielatal a Struppen
- Zarjadniske zhromadźenstwo Lohmen/Stadt Wehlen z čłonskimaj gmejnomaj Lohmen (sydło) a Stadt Wehlen
- Zarjadniske zhromadźenstwo Pirna z čłonskimaj gmejnomaj Dohma a Pirna
- Zarjadniske zhromadźenstwo Sebnitz z čłonskimaj gmejnomaj Kirnitzschtal a Sebnitz
[wobdźěłać] Turizm
K zajimawosćam liči Narodny park Sakska Šwica z horami, hrodami a wjele wočerstwjenskimi móžnosćemi.
Dalše wulětne cile su Barokna zahroda a barokny hród w Großsedlitzu, hród Stolpen, prawěkowy park w Sebnitzu, hród Kuckuckstein w Liebstadće, hród Weesenstein a dalše.
[wobdźěłać] Literatura
- Stadtmuseum Pirna (Hrsg.): Jahrhundertrückblicke. Beiträge zur Geschichte des Landkreise Sächsische Schweiz 1901 - 2000. Pirna 2001
- Horst Torke: Landkreis Sächsische Schweiz. Meißen 1996
[wobdźěłać] Žórła
- ↑ Wustawki wo woponje krajneho wokrjesa Sächsische Schweiz § 1
[wobdźěłać] Eksterny wotkazy
- Websydło krajneho wokrjesa Sächsische Schweiz
- Portal turizma
- Websydło oberelbe.de
- Wulki zapis wotkazow za krajny wokrjes
Wokrjesy w Swobodnym staće Sakska a jich stolicy |
---|
Knježerstwowy wobwod Drježdźany |
Wokrjes Budyšin (Budyšin) | Delnjošlesko-hornjołužiski wokrjes (Niska) | Město Drježdźany | Wokrjes Kamjenc (Kamjenc) | Wokrjes Lubij-Žitawa (Žitawa) | Wokrjes Mišno (Mišno) | Wokrjes Riesa-Großenhain (Großenhain) | Wokrjes Sächsische Schweiz (Pirna) | Wokrjes Weißeritz (Dippoldiswalde) | Město Wojerecy | Město Zhorjelc |
Knježerstwowy wobwod Kamjenica |
Wokrjes Annaberg (Annaberg-Buchholz) | Wokrjes Aue-Schwarzenberg (Aue) | Wokrjes Freiberg (Freiberg) | Wokrjes Chemnitzer Land (Glauchau) | Město Kamjenica | Wokrjes Mittlerer Erzgebirgskreis (Marienberg) | Wokrjes Mittweida (Mittweida) | Město Plauen | Wokrjes Stollberg (Stollberg/Erzgeb.) | Wokrjes Vogtlandkreis (Plauen) | Město Zwickau | Wokrjes Zwickauer Land (Werdau) |
Knježerstwowy wobwod Lipsk |
Wokrjes Delitzsch (Delitzsch) | Wokrjes Döbeln (Döbeln) | Wokrjes Leipziger Land (Borna) | Město Lipsk | Wokrjes Muldental (Grimma) | Wokrjes Torgau-Oschatz (Torgau) |