Pěskowa babyduška
Z Wikipedije, swobodneje encyklopedije
Pěskowa babyduška |
|
---|---|
Pěskowa babyduška | |
systematika | |
Domena | Eukarioty |
Swět | Rostlinstwo |
klasa: | (Rosopsida) |
podklasa: | (Asteridae) |
porjad: | (Lamiales) |
swójba: | (Lamiaceae) |
ród: | (Thymus) |
družina: | Pěskowa babyduška |
wědomostne mjeno | |
Thymus serpyllum | |
Pěskowa babyduška (łaćonsce: Thymus serpyllum, Lamiaceae) je rostlina ze swójby cycawkowych rostlinow . Dalše serbske mjena su płónc, pólna babyduška a kulowske zelo.
[wobdźěłać] Wopis
Pěskowa babyduška ma hłuboko w pódu sahacy centralny korjeń a so wot toho wuńducy z ležacymi stołpikami rozšěrjuje. Jednotliwa rostlina wuwiwa na tutym wašnju zwisowacy přestrjenc, kotryž móže dosahuje wulkosć wot jedneho kwadratoweho metra.
Łopjena rostliny su małe a błyšćace. Ze stołpiki zapušćuja w kóždym lětu wulke mnóstwo kćenowych wurostkow, kotrež dosahuja wysokosć wot dźesać hač do pjatnaće centimetrow. W łopjenowych pažach steja tři hač do šěsć róžojtych kćenjow w pozdatnej kłosy, kotrež dosahuja dołhosć wot hač do 4 milimetrow.
Kćěje wot meje hač do septembra. Rostlina produkuje w tutym času nektar za wopróšowace insekty. Za pčołarstwo je pěskowa babyduška tohodla wažna pčołkaca pastwa.
[wobdźěłać] Stejnišćo
Pěskowa babyduška je typiski wobydler wot chójnjowych stepowych lěsow z suchimi, małowapnatymi pěskowymi pódami. Wón so tam často podłu pućow abo na lěsnych swětlinach namaka. Typiska přewodna rostlina na tutym stejnišćo ja jatřobnik.
[wobdźěłać] Žórła
- Aichele, D., Golte-Brechtle, M.: Was blüht denn da: Wildwachsende Blütenpflanzen Mitteleuropas. Kosmos Naturführer (1997)
- Brankačk, Jurij: Wobrazowy słownik hornjoserbskich rostlinskich mjenow na CD ROM. Rěčny centrum WITAJ, wudaće za serbske šule. Budyšin 2005.
- Kubát, K. (Hlavní editor): Klíč ke květeně České republiky. Academia, Praha (2002)
- Lajnert, Jan: Rostlinske mjena. Serbske. Němske. Łaćanske. Rjadowane po přirodnym systemje. Volk und Wissen Volkseigener Verlag Berlin (1954)
- Rězak, Filip: Němsko-serbski wšowědny słownik hornjołužiskeje rěče. Donnerhak, Budyšin (1920)