Wjazońca (gmejna)
Z Wikipedije, swobodneje encyklopedije
Neukirch/Lausitz |
|
---|---|
wopon | mapa |
Zakładne daty | |
stat | Němska |
zwjazkowy kraj | Sakska |
knježerstwowy wobwod | Drježdźany |
wokrjes | Budyšin |
koordinaty | |
wysokosć | 325 m |
přestrjeń | 21,32 km² |
wobydlerstwo | 5.434 (31. decembra 2006) |
póstowe čisło | 01904 |
telefoniska předwólba | 035951 |
KFZ-znamješko | BZ |
Měšćanske zarjadnistwo | |
Adresa | Hauptstraße 20 01904 Neukirch |
Stronka w syći | www.neukirch-lausitz.de |
Politika | |
měšćanosta | Gottfried Krause |
Mapa | |
Wjazońca (němsce Neukirch/Lausitz) je statnje připóznate wočerstwenišćo na juhowuchodźe zwjazkoweho kraja Sakska. Słuša ke krajnemu wokrjesej Budyšin a lězi zanurjena mjez dwěmaj hórskimaj rjećazomaj Hornjołužiskich hór pod bohaće zalěsnjenym 587 m wysoki Sokolnikom.
Wobsah |
[wobdźěłać] Geografija
[wobdźěłać] Geografiske połoženje
Sokolnik je Wjazońčanska "domjaca hora". Pod nim so přez Wjazońcu běžaca rěka z jenakim serbskim mjenom Wjazońca, kotrejež němske mjeno je Wesenitz. Wjetše města we wokolinje stej Budyšin (15 km) a Biskopicy (12 km).
[wobdźěłać] Susodne gmejny
Přimjezowace gmejny su (po směrje časnika) Dobruša-Huska, Wjelećin a Wołbramecy z wjesnym dźělu Ringenhain w krajnym wokrjesu Budyšin, Neustadt in Sachsen w krajnym wokrjesu Sächsische Schweiz kaž tež Smělna-Póckowy w krajnym wokrjesu Budyšin.
[wobdźěłać] Stawizny
W lěće 1222 je so Wjazońca ze swojim němskim mjenom „Neinkirgen“ prěni raz we wopismje naspomniła. Mjeztym zo so němske mjeno na tehdy nowotwarjenu cyrkej we wjesnym dźělu Delnja Wjazońca poćahuje, pokazuje serbske mjeno na geografiske połoženje nad rěku Wjazońca[1].
W bliskosći sydlišća su so w meji 1813 w zwisku z bitwa pola Budyšina boje mjez francoskimi a ruskimi jednotkami wotměli.
[wobdźěłać] Wuwiće wobydlerjow
Ličby wobydlerjow (staw 31. decembra):
- 1960 - 7.134
- 2002 - 5.680
- 2004 - 5.540
- Datowe žórło wot lěta 2002: Statistisches Landesamt Sachsen
[wobdźěłać] Měšćanske partnerstwo
Wot lěta 1992 je Bönnigheim w krajnym wokrjesu Ludwigsburg partnerske město Wjazońcy.
[wobdźěłać] Hospodarstwo
Najebać woteběracych tendencow w Hornjej Łužicy, ma gmejna Wjazońca wobdźiwajomny hospodarski róst. Bytostny přinošk za to wukonja zhotowjer gratowych mašinow Trumpf, kotryž w regionje wjele dźěłowych městnow wutworja.
[wobdźěłać] Wažne firmy we Wjazońcy:
- TRUMPF Sachsen GmbH
- Käppler und Pausch GmbH
- Tradicionelna cwibakowa fabrika
Hornčernje:
- Heise - Original Bunzlauer Keramik
- Kannegießer Keramik
- Karl Louis Lehmann GmbH
- Hornčernja Heinke Neukirch
K tradicije hornčerstwa we Wjazońcy słuša tež kóždolětny hornčerski swjedźeń.
[wobdźěłać] Infrastruktura
Wot Wjazońcy hač do Žitawy wjedźe derje z taflemi wuhotowana kolesowa ruta - hornjołužiska kolesowarska šćežka chěžow ze stołom.
[wobdźěłać] Wobchad
Awtodróha A 4, kotraž 13 km na sewjer Wjazońcy nimo wjedźe, je najspěšnišo po dojězdnej dróze k najězdej Słona Boršć docpějomna. Lětanišćo Drježdźany je 40 awtowych mjeńšin zdalene. Wjazońca leži direktnje na B 98, kotraž so w Biskopicach započina a so we Wopakej z B 96 zjednoća, kotraž wot Budyšina přińdźe a k čěškej hranicy na sewjernej kromje Žitawskich horin wjedźe.
Za železniskich pućowacych steja wobě dwórnišći Wjazońca-zapad a Wjazońca-wuchod k dispoziciji, kotrejž na zelezniskej čarje Biskopicy - Žitawa ležetej, z direktnymi zwiskami do Drježdźan a Libereca. Hač do něšto lět bě direktny železniski zwisk Bad Schandau - Sebnica - Neustadt in Sachsen - Wjazońca-zapad - Wjazońca-wuchod - Wjelećin - Budyšin. Mjeztym wšak je wobchad na čarowymaj wotrězkomaj Neustadt in Sachsen - Wjazońca-zapad a Wjelećin - Budyšin zastajeny.
Z regionalnymi busowymi linijemi su Biskopicy, Budyšin, Wopaka a Neustadt in Sachsen docpějomne. Wot Neustadta in Sachsen su busowe linije do Sebnicy a dale do Bad Schandau, do Drježdźan, do Pirny a do Hohnsteina. Nimo toho leži Neustadt in Sachsen na železniskej čarje Pirna - Sebnica - Bad Schandau.
[wobdźěłać] Zdźěłanje
Wjazońca ma dwě zakładnej šuli, Pestalozziowa šula a Lessingowa šula a jedna srjedźnu šulu.
[wobdźěłać] Literatura
- Domizniski slědźer Jurij Pilk (němsce Georg Pilk) je dwě knize wo stawiznach Wjazońcy spisał: „Neukirch am Hohwald in den Befreiungskriegen“ und „Neukirch im 18. Jahrhunderte“.
[wobdźěłać] Přispomnjenki
- ↑ Jan Meschgang: Die Ortsnamen der Oberlausitz; Domowina Verlag, Bautzen 1973; S. 97
[wobdźěłać] Eksterne wotkazy
Biskopicy | Bóšicy | Budestecy | Budyšin | Bukecy | Chróstawa | Dobruša-Huska | Frankenthal | Großharthau | Hodźij | Hornja Hórka | Hućina | Korzym | Kubšicy | Kumwałd | Malešecy | Njeswačidło | Porchow | Radwor | Rakecy | Ramnow | Smělna-Póckowy | Šěrachow | Wjazońca | Wjelećin | Wołbramecy | Wóspork | Wulka Dubrawa | Załom | Zemicy-Tumicy