Linux
De Wikipedia, le encyclopedia libere
LINUX {s} [lí-nuks]
Tabula de contento |
[modificar] Etymologia
Linux es un fusion del nomine de Linus Torvalds qui esseva le inventor de iste clon del systema de operation UNIX.
Linux es le nomine de un nucleo, sed normalmente se refere con iste nomine a un systema de operation de libre distribution software libre (e de codice aperte), ubi le codice fonte es disponible publicamente e omne persona, con le cognoscimentes informaticos adequates, pote libremente studiar lo, usar lo, modificar lo e redistribuer lo.
[modificar] Definition
Linux es un systema de operation que esseva create, initialmente como passatempore, per Linus Torvalds, un juvene studente finnese del Universitate de Helsinki, con le adjuta de un equipa de hackers in tote le Internet.
Torvalds esseva interessate in Minix, un version reducite del systema de operation UNIX, e decideva a disveloppar un systema con characteristicas superior, plus potente. Le prime version (0.02) de Linux esseva publicate in le anno 1991 e Linus Torvalds continuava a laborar a illo usque 1994 quando ille publicava le version 1.0 del nucleo Linux.
Le nucleo Linux, generalmente combinate con componentes del Projecto GNU e con un ambiente de interfacie graphic basate super X11 pro formar un systema de operation complete, es publicate e distribuite sub le Licentia Public General de GNU, dunque su codice fonte es libere e disponibile a tote le mundo.
Actualmente, centos de companias, organisation e personas publica lor proprie versiones de systemas de operation basate in Linux.
Le systemas de operation basate super Linux es percipite como tanto functional, multo adaptabile, e robuste que ha illos ha devenite in le principal alternativa al systemas proprietari como Microsoft Windows e UNIX. IBM, Hewlett-Packard, e altere grande companias del industria del computatores, imbracia e appoia actualmente su disveloppamento.
Ben que Linux es adoptate principalmente in servitores, le uso domestic e in officios es in crescimento rapide, como su incorporation directe in microchips de apparatos e dispositivos.
[modificar] Vide tamben
- GNU, Gnu Non es Unix
- Systemas de operation ("distributiones") basate super Linux:
- Caldera Linux
- Debian GNU/Linux
- LindowsOS
- Mandriva Linux
- Red Hat Linux
- Red Hat Enterprise Linux
- Fedora Core
- CentOS
- Turbolinux
- Ubuntu
- Knoppix
- Slackware
- Novell Suse
- Gentoo
[modificar] Ligamines externe
- kernel.org, le sito primari de distribution e de disveloppamento del nucleo.
- On pote leger le prime message que Linus inviava al Usenet in le qual ille parla de su projecto: clicca hic.
Pecietta de informatica
Iste articulo es ancora in stato embryonic: illo es un pecietta. Nos te invita cordialmente a completar lo pro meliorar Wikipedia in Interlingua.
