Otto Jespersen
De Wikipedio
Otto Jespersen es anke la nomo di famoza Norvegiana komediisto.
Otto Jespersen (16 di julio 1860 til 30 di aprilo 1943) esis Daniana linguisto di qua la specaleso esis la gramatiko dil Angliana linguo. Il naskis en Jutlando ed asistis København-Universitato, ganante diplomi en la Angliana, la Franciana, e la Latina. Il anke studiis linguistiko che la Universitato di Oxford.
Jespersen esis profesoro dil Angla che Kobenhavn-Universitato de 1893 til 1925. Kun Paul Passy, il esis fondanto dil Internaciona Fonetik-Asociuro. Il esis forta sustenanto ed aktiva developanto di artificala internaciona lingui quale Esperanto. Il anke partoprenis la Delegitaro quo kreis la artificala linguo Ido e plu tarde developis la Novial linguo, quo, segun il, esis plubonigo.
Il es maxim agnoskata pro kelka lua libri. Lua Modern English Grammar koncentris ye morfologio e sintaxo. Lua Growth and Structure of the English Language es kompleta vidpunto pri la Angla da homo kun altra matrala linguo, ed ankore imprimesas, plu kam 60 yari pos lua morto e preske 100 yari pos l'original edito.
Plu kam unfoye Otto Jespersen invitesis ad Usa kom gasto-profesoro, ed il profitis l'okaziono por studiar la eduko-sistemo di la lando. Lua autobiografio (videz infre) editesis en la Angla tradukuro tam recente kam 1995.
Jespersen esis propaganto di fonosemantiko e skribis: kad esas vere plu multa logiko ye la opozita extremo quo negas irgasorta son-simbolismo (ecepte la mikra klaso de evidenta ekoismi ed 'onomatopei') e vidas en nia vorti nur kolekturo de acidental e senraciona asociuri di sono e signifiko? ... "Esas nenegebla ke esas vorti quin ni sentas instintale kom adequata por expresar l'idei quin li reprezentas."
[redaktar] Bibliografio
- 1905: Growth and Structure of the English Language (riimprimuro di 1999 es ISBN 0226398773.)
- 1909ff: A Modern English Grammar (en sep tomi; la titulo es komprenenda kom 'gramatiko di Moderna Angla')
- 1922: Language: Its Nature, Development, and Origin
- 1924: The Philosophy of Grammar
- 1928: An International Language (introduktante la Novial linguo)
- 1930: Novial Lexike (vortolibro di Novial)
- 1995: A Linguist's Life: Angla tradukuro dil autobiografio da Otto Jespersen ... editita da Arne Juul [ed al.]. Odense, 1995.
Referi:
Otto Jespersen da Niels Haislund (1943)
Otto Jespersen Online Bibliography
Otto Jespersen - his work for an international auxiliary language da Henry Jacob (1943)
