Pernambuco
De Wikipedio
|
|||
Chefurbo lojanti (yaro) |
Recife 1 400 000 (2005) |
||
Altra urbi | Jaboatão dos Guararapes, Olinda | ||
Guverniestro | Eduardo Campos | ||
Surfaco | 98 311,6 Km2 | ||
Lojanti | 8 413 593 (2005) | ||
Lojanto-denseso | 80,65/km2 | ||
Oficala pagino | http://www.pe.gov.br |
Pernambuco esas Braziliana stato qua jacas en Nord-estala Regiono di lando. Lua vicina stati esas:
En esto jacas Oceano Atlantiko.
Bazala fakti pri Pernambuco.
Indexo |
[redaktar] Historio
Pernambuco divenis okupita da Nederlandani depos 1630 til 1654, kande ili esis ekpulsita da Braziliani e Portugalani. La sentimento di importo qua aparis dum la batalii pro ekpulsar Nederlandani provokis, pos yari, la Mascates milito, inter 1710 e 1711, kande Braziliani de Olinda luktis kontre Portugala komercisti de Recife.
Ye 1822, kun Braziliana nedependeso, Pernambuco divenis provinco. Kun la republiko ye 1889, ol divenis stato.
[redaktar] Geografio
Pernambuco jacas en Nord-estala Regiono di Brazilia. L'insulo de Fernando de Noronha, jacita 535 km de kontinento, esas parto di Pernambuco depos 1988.
La klimato di stato esas tropikala, kun intensa suno dum sumero e intensa pluvi dum vintro en litoro. En sertão regiono (westo di stato) la klimato esas mi-arida. La sikesi en ca regiono povas durar plu kam un yaro.
[redaktar] Ekonomio
La precipua ekonomikala aktivesi esas l'agrokultivo (specale sukro-kano e manioko), industrio (alimentala, kemiala, metalurgiala, elektronikala, stofala), edukado di boviari, e turismo.
[redaktar] Turismo
Lua litoro, kun bela plaji, atraktas multa turisti de altra Braziliana stati e de altra landi, specale Europani (precipue Portugalani, Hispaniani e Italiani) ed Arjentiniani. La maxim konocita turistala destini esas Porto de Galinhas (vilajo en la municipo di Ipojuca), Serrambi, Itamaracá, Jaboatão dos Guararapes e Recife.
En interioro di stato, l'urbo di Caruaru esas konocita por sua populala festini en homajo a populala santi di katolikismo: Santo Antonius (13 di junio), Santo Petrus (29 di junio) e Santo Iohannes (24 di junio).
Recife, Olinda e Jaboatão dos Guararapes anke havas historiala konstrukturi (domi, fortresi, et cetera).
[redaktar] Cetera aferi
Stati di Brazilia | |
---|---|
Acre | Alagoas | Amapá | Amazonas | Bahia | Ceará | Espírito Santo | Goiás | Maranhão | Mato Grosso | Mato Grosso do Sul | Minas Gerais | Pará | Paraíba | Paraná | Pernambuco | Piauí | Rio de Janeiro | Rio Grande do Norte | Rio Grande do Sul | Rondonia | Roraima | Santa Catarina | São Paulo | Sergipe | Tocantins |
|
Federala Distrikto: Brasilia |