Rio Grande do Sul
De Wikipedio
|
|||
Chefurbo lojanti (yaro) |
Porto Alegre 1 440 939 (2006) |
||
Altra urbi | Caxias do Sul, Pelotas, Canoas | ||
Guverniestro | Yeda Crusius | ||
Surfaco | 281 748,6 km² | ||
Lojanti Lojanto-denseso |
10 978 587 (2006) 81,6 hab/km² |
||
Oficala pagino | www.rs.gov.br |
Rio Grande do Sul esas Braziliana stato di Suda Regiono. Ol esas vicino di Santa Catarina en nordo, Arjentinia en westo ed Uruguay en sudo. En esto jacas Oceano Atlantiko. Chefurbo: Porto Alegre.
Bazala fakti pri Rio Grande do Sul.
Indexo |
[redaktar] Historio
Ye 1627, Jezuiti kreis katolika misioni en la regiono, ma ye 1680 eli esis ekpulsita da Portugalani. Ol esis strategiala regiono inter Colonia del Sacramento e Laguna, qua lore esis la maxim sudala urbo di Brazilia.
Ye 1737 Portugal sendis militala expediciono por okupar la regiono, ed, ye 1742, fondis l'urbo di Porto dos Casais, nuna Porto Alegre, kun la helpo di Acoriana koloniigisti. Ye 1777, kun la kontrakto di Santo Ildefonso, Portugal recevis definitive la regiono.
Kun Braziliana nedependeso, Rio Grande do Sul divenis provinco di Braziliana Imperio. Ye 1835 okuris la Farrapos Milito: la provinco kombatis la centrala guvernio di regenteso. Milito duris til 1845.
Depos 1889 kun la republiko, ol divenis stato.
[redaktar] Geografio
La precipua urbi di stato esas Porto Alegre, Pelotas, Caxias do Sul, Canoas, Rio Grande e Santa Maria. La totala surfaco di stato esas aproxime equivalanta a di Equador.
La maxim alta monto di stato esas Pico do Monte Negro, kun 1410 metri di altitudo.
[redaktar] Ekonomio
La precipua ekonomikala produkti di agrokultivo en stato esas soyo, frumento, maizo e rizo. La edukado di bovi e mutoni anke esas tre importanta: bovi furnisas ledro por shu-fabrikerii en la regiono di Rio dos Sinos.
[redaktar] Turismo
En litoro, jacas turistala urbi di Torres e Tramandaí, kun plaji qua recevas turisti de stato ed anke de Santa Catarina, e de vicina landi, Arjentinia e Uruguay dum somero.
En la Serra Gaúcha (la maxim alta regiono di stato, kun kolda vintri) jacas urbi fondita da Italiani (Caxias do Sul, Garibaldi, Bento Gonçalves) e da Germaniani (Canela, Gramado, Nova Petrópolis). L'urbi havas bela naturala peizaji (kom exemplo, Caracol Aquofalo, en Canela) e historiala domi e konstrukturi di unesma enmigranti. En maxim alta punkti di Serra Gaúcha povas nivar en kolda dii di vintro.
[redaktar] Cetera aferi
Stati di Brazilia | |
---|---|
Acre | Alagoas | Amapá | Amazonas | Bahia | Ceará | Espírito Santo | Goiás | Maranhão | Mato Grosso | Mato Grosso do Sul | Minas Gerais | Pará | Paraíba | Paraná | Pernambuco | Piauí | Rio de Janeiro | Rio Grande do Norte | Rio Grande do Sul | Rondonia | Roraima | Santa Catarina | São Paulo | Sergipe | Tocantins |
|
Federala Distrikto: Brasilia |