Paraná (stato)
De Wikipedio
|
|||
Chefurbo lojanti (yaro) |
Curitiba 1 757 904 (2005) |
||
Altra urbi | Londrina, Maringá, Foz do Iguaçu, Ponta Grossa | ||
Guverniestro | Roberto Requião | ||
Surfaco | 199 880 km² | ||
Lojanti Lojanto-denseso |
10 155 274 (2005) 71,1/km² |
||
Oficala pagino | http://www.pr.gov.br |
Paraná esas Braziliana stato di Suda Regiono. Lua vicina stati esas:
- en nordo ed nord-esto, Sao Paulo,
- en sudo, Santa Catarina,
- en nord-westo, Mato Grosso do Sul.
Anke esas vicino di Paraguay en westo, ed Arjentinia en sud-westo. En esto jacas Oceano Atlantiko.
Bazala fakti pri Paraná.
Indexo |
[redaktar] Historio
Paranaguá, l'unesma urbo di Paraná, esis fondita ye 1648. Curitiba, nuna chefurbo, esis fondita ye 1693. Dum la koloniala periodo, lua teritorio ne interesis multe a koloniigisti, qua preferis Minas Gerais pro exploro di oro.
Paraná divenis provinco separita di Sao Paulo ye 28 di agosto 1853. Kun la republiko, divenis stato. Lua ekonomiko developis kun la expanso di kultivo di kafeo, en komeco di 20ma yar-cento.
[redaktar] Geografio
Tre quarimi di teritorio jacas sub la Tropiko di Kaprikorno, e 52% di ol jacas supra 600 m di altitudo. La klimato esas subtropikala, kun 4 bone definita sezoni.
En westo di stato, bordero kun Arjentinia, jacas Iguasu aquo-falo, un di maxim konocita postala karti di mondo.
La vejetantaro esas kompozita di naturala pasturi (en kelka regioni di stato) e du tipi di foresto: en litoro, en la montala Serra do Mar regiono (en esto di stato) ed en Nacionala Parko di Iguasu (en westo) jacas sub-tropikala foresto qua esas parto di la originala Mata Atlântica, tropikala foresto qua kovris Braziliana litoro e parto di interioro ante arivo di Portugalani. Altra tipo di foresto esas la Mata de Araucária, kompozita da Pino di Paraná (Araucaria angustifolia), koniferi qua existas en montala regioni di stato.
[redaktar] Ekonomio
Kun la 5ma KLP di Brazilia, stato havas moderna agrokultivo (precipue: soyo, maizo, frumento, kotono e kafeo), edukado di bovi, porki e pultri, ed industrio. En Paraná fluvio, bordero kun Paraguay, jacas Itaipu hidrobarilo, la maxim granda hidrobarilo di mondo, qua furnisas elektro a Brazilia e Paraguay.
Cirkum la chefurbo, jacas fabrikerii di automobili de Volkswagen e Renault, e di kamioni de Volvo. Altra importanta industrii esas: alimentala, metalifo, kemiala, drinkaji e minerali. La industrio di ligno, alimenti e drinkaji anke esas importanta en interioro di stato.
Finale, turismo anke esas importanta fonto di profito: la stato havas bela plaji e peizaji en litoro (precipue en Paranaguá ed en Mel Insulo), en la chefurbo (parki kun granda verda surfaci kom Parque Barigui, historiala edifici, la Ópera de Arame ("Opero di Metal-filo", un edifico totale konstruktita en fero e vitro), en interioro (dicernita la naturala eroda peizajo di Vila Velha), ed en westo di stato (dicernita la Nacionala Parko di Iguasu, en bordero kun Arjentinia, e la artificala lago di Itaipu, qua kreis fluviala plaji e spaci pro navigala sporti. Inter Curitiba e Paranaguá ne povez obliviar la turistala treno-veho inter Curitiba e Paranaguá, qua krucumas bela peizaji inter monti di Serra do Mar regiono.
[redaktar] Cetera aferi
Stati di Brazilia | |
---|---|
Acre | Alagoas | Amapá | Amazonas | Bahia | Ceará | Espírito Santo | Goiás | Maranhão | Mato Grosso | Mato Grosso do Sul | Minas Gerais | Pará | Paraíba | Paraná | Pernambuco | Piauí | Rio de Janeiro | Rio Grande do Norte | Rio Grande do Sul | Rondonia | Roraima | Santa Catarina | São Paulo | Sergipe | Tocantins |
|
Federala Distrikto: Brasilia |