Fríverslunarsamtök Evrópu
Úr Wikipediu, frjálsa alfræðiritinu
Fríverslunarsamtök Evrópu (EFTA) er alþjóðasamtök fjögurra ríkja. Meðlimir eru Ísland, Liechtenstein, Sviss og Noregur. Samtökin voru stofnuð þann 4. janúar árið 1960 þegar Stokkhólmssamningurinn svonefndi var undirritaður í Stokkhólmi. Tilgangur samtakanna var og er að stuðla að frjálsri verslun milli landanna en auk þess að vera ákveðið mótvægi við hið nýlega stofnaða Evrópubandalag. Öll ríkin eiga aðild að EES nema Sviss en þar í landi var inngöngu hafnað með þjóðaratkvæðagreiðslu. Höfuðstöðvar samtakanna eru í Genf í Sviss.
| Land | Stofnaðili | Innganga | Úrsögn |
|---|---|---|---|
 Austurríki |
Já | 1995 | |
 Danmörk |
Já | 1973 | |
 Finnland |
Nei | 1961 | 1995 |
 Ísland |
Nei | 1970 | |
 Liechtenstein |
Nei | 1991 | |
 Noregur |
Já | ||
 Portugal |
Já | 1986 | |
 Svíþjóð |
Já | 1995 | |
 Sviss |
Já | ||
 Stóra-Bretland |
Já | 1973 |
Sjö ríki komu að stofnun samtakanna árið 1960. Finnland gekk í EFTA árið 1961 og Ísland árið 1970. Danmörk og Stóra-Bretland sögðu sig úr EFTA til þess að ganga í Evrópubandalagið árið 1973. Portúgal fylgdi í humátt árið 1986. Austurríki, Finnland og Svíþjóð gengu í Evrópusambandið árið 1995 og sögðu sig því úr EFTA.
[breyta] Ísland og EFTA
Ísland gekk í EFTA þann 5. mars 1970. Fyrsti fastafulltrúi fyrir hönd landsins var Einar Benediktsson.
Íslendingurinn Bergdís Ellertsdóttir er aðstoðarforstjóri samtakana.
[breyta] Tengill
- Heimasíða EFTA
- Heimasíða íslenska utanríkisráðuneytisins um EES-samninginn
- Umfjöllun um EFTA, á heimasíðu Evrópusamtakanna
- Morgunblaðsfrétt: Ísland í EFTA í gær, 6.mars 1970
