Steinöld
Úr Wikipediu, frjálsa alfræðiritinu
Steinöld er forsögulegt tímabil og fyrsta tímabilið í þróun mannsins þar sem merki sjást um útbreidda notkun tækni. Á þessum tíma breiddist mannkynið frá Afríku út um allan heim. Steinöld vísar til þess að þá tóku menn að búa til áhöld úr tilhöggnum steini og henni lauk þegar menn tóku að bræða málmgrýti til að búa til málma (þegar bronsöld hefst). Um sama leyti átti landbúnaðarbyltingin sér stað þegar samfélög manna tóku að byggja afkomu sína fyrst og fremst á landbúnaði í stað veiða og söfnunar.
Steinöld skiptist í fornsteinöld (~1.4 milljón - 10.000 ár síðan), miðsteinöld (~22.000 - 5.000 ár síðan) og nýsteinöld (~8.500 - 3.000 ár síðan).
