Asteroid

Saka Wikipédia, Ènsiklopédhi Bébas ing basa Jawa / Saking Wikipédia, Bauwarna Mardika mawi basa Jawi

Sabuk asteroid (titik-titik pethak).

Asteroid punika benda langit alit lan padhet ingkang wonten ing sistem tata surya.

Asteroid punika conto saking sakjenis planet alit (utawi kasebat ugi planetoid), nanging saklangkung alit tinimbang planet.

Antawisipun 200 taun Ceres kaanggep asteroid paling ageng. Nanging ing tanggal 23 Agustus 2001, sampun katemoaken asteroid ingkang langkung ageng tinimbang Ceres. Asteroid puniki naminipun 2001 KX 76, lintasan orbitipun ing sacelaking Pluto. Asteroid ingkang paling alit ndarbéni dhiameter kirang langkung dasaan meter. Asteroid kalebet benda minor ing sistem tata surya, sesarengan kaliyan komet lan meteoroid.

253 Mathilde, Asteroid tipe C.

[sunting] Asteroid ing sistem tatasurya

Saking kiwa nuju tengen: 4 Vesta, 1 Ceres, Bulan.

Sampun atusan ewu asteroid ing tatasurya katemoaken, lan sapunika panemon énggal rata-rata 5000 asteroid saben wulanipun. Ing tanggal 27 Agustus, 2006, saking total 339.376 planet alit ingkang kadfatar, 136.563 ing antawisipun ndarbéni orbit ingkang cekap kakenal saéngga saged diparingi nomor resmi ingkang permanén. Ing antaraning planet-planet kasebat, 13.350^[1] ndarbéni nami resmi (trivia: kinten-kinten 650 ing antaraning nami puniki mbetahaken tandha pangenal). Nomor paling ngandhap nanging arupi planet alit ingkang mboten kagungan nami inggih punika (3360) 1981 VA; planet alit ingkang kanamèaken kanthi nomor paling nginggil (kejawi planet katai 136199 Eris sarta 134340 Pluto) inggih punika 129342 Ependes ^[2].

Sapunika dipunkinten bilih asteroid ingkang kagungan dhiameter langkung saking 1 km ing sistem tatasurya total cacahipun antara 1.1 dumugi 1.9 yuta^[3]. Astéroid paling wiyar ing sistem tatasurya sisih lebet inggih punika 1 Ceres, kanthi dhiameter 900-1000 km. Kalih asteroid sabuk sistem tatasurya sisih lebet inggih punika 2 Pallas lan 4 Vesta; kekalihipun ndarbéni dhiameter ~500 km. Vesta arupi asteroid sabuk paling utami ingkang kadang-kala kapirsani kanthi mata telanjang (ing sapérangan kedadosan ingkang cekap langka, asteroid ingkang celak kaliyan bumi saged kapirsani tanpa bantuan teknis; pirsani 99942 Apophis).

Massa sedaya asteroid Sabuk Utami dipunkinten 3.0-3.6×10²¹ kg^[4]^[5], utawi kirang langkung 4% saking massa bulan. Saking kasedaya puniki, 1 Ceres ndarbéni massa 0.95×10²¹ kg, 32% saking totalipun. Salajengipun asteroid paling padhet, 4 Vesta (9%), 2 Pallas (7%), lan 10 Hygiea (3%), ndadosaken kintenan puniki dados 51%; tiga salajengipun, 511 Davida (1.2%), 704 Interamnia (1.0%), lan 3 Juno (0.9%), namung nambah 3% saking massa totalipun. Cacahing asteroid salajengipun nambah sacara eksponensial éwadéné massa asteroid-asteroid puniki mandhap. Dipuntelaaken bilih asteroid ugi ndarbéni setunggal satelit ingkang naminipun Dactyl.

Pirsani ugi Daftar asteroid misuwur ing Sistem Tatasurya, utawi Daftar asteroid miturut urutanipun.

[sunting] Mangga ugi pirsani

Komet
Proyek NEO

Tata Surya
Planet: Merkurius \| Venus \| Bumi \| Mars \| Yupiter \| Saturnus \| Uranus \| Neptunus
Planet cilik: Ceres \| Pluto \| Eris
Liyane: Srengéngé \| Satelit \| Asteroid \| Komet \| Sabuk kuiper \| Awan oort