Wikipedia
From Wikipedia
ביאסי איסטי ארטיקולו אין לה גראפ׳ייה איברייה או סוליטריו ויקיפידיה
Wikipedia es una ansiklopedia libre multilingual, fecha kon la teknolojiya "wiki". El nombre es una fuzion de los biervos wiki i ansiklopedia. Wikipedia esta eskrita por djentes ke dezeyan ayudar, ansi la majorita de sus artikolos pueden ser editados/modifiados por kaduno i uno ke pueda uzar internet.
Wikipedia se kreo el 15 de jenero de 2001 komo un projekto en inglez para amishorar Nupedia ke era eskrita solo por hahames. Agora es konduizida por la Fondasion Wikimedia sin objektivo de profitar ekonomikamente del projekto. Fue kreada por Larry Sanger i Jimmy Wales; Sanger se esvacheo de Nupedia i Wikipedia el 1 de marso de 2002. Wales a deskrito Wikipedia komo "un esforso para krear i distribuir una ansyklopedia libre i multilingual de la mijor kondision posivle para kada persona del planeta en su apropiada lingua".[1]
Wikipedia tiene mas de seis milyones de artikolos en varias linguas, inkluyendo los mas de 1,5 milyones de artikolos de la version en inglez i los mas de medio milyon de artikolos de la version en aleman. Ay versiones de Wikipedia en 250 linguas[2], i 19 de eyas tienen mas de 50.000 artikolos. Entre eyas, bien entendido, esta la Wikipedia en Ladino, Djidio o Djudezmo, en la ke kale lavurar muncho para ke seya "pushada, i no minguada". La edision en aleman a sido distribuida en DVD-ROM, i ay propozisiones para una edision en DVD i en livro para la version en inglez. Desde su empesijo, a amijorado konstantemente su fama[3], i se a muchigado con varios prodjektos ermanos.
[editar] Referensias
- ↑ Jimmy Wales, "Wikipedia is an encyclopedia", 8 de marso de 2005, <wikipedia-l@wikimedia.org>
- ↑ Lista entera de Wikipedias ke egzisten
- ↑ Ver diagramas en "Vijitas por dia", Estadistikas de Wikipedia, 1 de jenero de 2005
[editar] Enlases eksternos
- www.wikipedia.org, kacha multilingual.
- lad.wikipedia.org, edision en ladino.
Este artikolo es endagora, solo un esbozo. Ampliandolo ayudaras a amijorar Wikipedia.
Puedes ayudarte kon las wikipedias en otras linguas.
