Homosexualitéit
Vu Wikipedia, der fräier Enzyklopedie.
 |
Dëse Biologiesartikel ass eréischt just eng Skizz. Wann der méi iwwer dëst Thema wësst, sidd der häerzlech invitéiert aus dëse puer Sätz e richtegen Artikel ze schreiwen. Wann dir Hëllef braucht beim Schreiwen, da luusst bis an d'FAQ eran. |
Homosexualitéit (och nach Homophilie) bezeechent eng sexuell Orientéierung, Romantik a sexuell Begier, emfonnt vum selwechte Geschlecht. Homosexuell Frae gi Lesben, homosexuell Männer Lénkser oder Schwuler genannt. D'Adjektiv homosexuell gëtt och fir sexuell Handlunge vu Mënsche vum selwechte Geschlecht gebraucht, déi net schwul oder lesbesch sinn (Bisexualitéit)
[Änneren] De Begrëff Homosexualitéit
De Begrëff Homosexualitéit ass eng hybrid Wuertneibildung aus dem 19. Joerhonnert, geprägt vum Schrëftsteller Karl Maria Kertbeny aus dem griich. ὅμοιος (homoios) = gläich, gläichaarteg + lat. sexus = dat männlecht an dat weiblecht Geschlecht.
[Änneren] Homosexualitéit a Gesellschaft
[Änneren] Heefegkeet vun Homosexualitéit
Schätzungen iwwert d'Heefegkeet vun der Homosexualitéit variéiere staark, an och ënnerschiddlech Definitioune vun Homosexualitéit maachen d'Auswäertung an d'Analys vun de Schätzungen ëmmer méi komplizéiert. Bei Ëmfroe stinn 1 – 10 % dozou, datt se schwul oder lesbesch sinn. Et ass awer wéinst dem Verheemleche vun der Homosexualitéit an de soziale Schwiergkeete beim Coming out éischter dovun auszegoen, datt déi Statistiken no ënnen an net no uewe gefälscht sinn. De Kinsey-Report huet 1948 tëschen 90 a 95 Prozent vun der Bevëlkerung als bis zu engem gewëssene Grad bisexuell agestuft. Ee groussen Deel vun der Homosexualitéit hänkt awer vu gesellschaftlechen a kulturelle Rahmebedingungen of. Aus enger Etude vun 1970 vum Hamburger Institut für Sexualforschung geet ervir, datt all Fënnefte vun de 16- a 17-järege Jongen ugëtt, gläichgeschlechtlech sexuell Erfarunge gemaach ze hunn. 20 Joer méi spéit waren et der just nach 2%. Datt dës Ausso just ee geréngen Aussowäert huet, weist eng Bravo-Ëmfro vun 1997, déi erginn huet, datt 25% vun all de Jongen tëscht 14 a 17 Joer schwul Erfarunge gemaach hunn. 2 Prozent hunn uginn, datt se schwul sinn, an 68%, datt se näischt géint Schwuler hunn.
[Änneren] Schatéierungen zwëschen Hetero an Homo
D'Homosexualitéit war an ass zum Deel a ville Kulturen en Tabuthema.
Eng vu ville Sexologen, ennert anerem och vum Freud vertrueden Theorie seet, dass et bei praktesch all Mënsch verschidde Graduatiounen tëschent Homo- an Homosexualitéit gëtt. Dëst gëtt mam Begrëff "Bisexualitéit" emschriwwen. De Siegmund Freud huet an deem Kontext vun der „ugebuerener Bisexualitéit“ vum Mënsch geschwat. Eng ganz Fixéierung op ee Geschlecht huet hien als „Aschränkung vun der Objektwahl“ bezeechent. Psychoanalysen hun erginn, dass sou genannten „Normaler“ als Heterosexueller awer eng grouss onbewossten Homosexualitéit kënnen a sech hunn.
[Änneren] Vocabulaire
Op Lëtzebuergesch gëtt fir e homosexuelle Mann entweder "e Schwulen" oder "e Lénkse" gesot, mee et gëtt keng Fuerschung, déi weist watfir e Wuert vu wiem benotzt gëtt. Eng homosexuell Fra bezeechent sech als "Lesb". Dat Deutsch-luxemburgisches Wörterbuch gëtt bei "Lesbe" d'Wuert "Lesbienne" un.
[Änneren] Coming Out
De "Coming Out" ass den Evenement, wou eng Persoun aner Leit matdeelt, dass hien oder hatt homosexuell oder bisexuell ass. Dës gëtt och nach als "sech outen" bezeechent. De Coming Out ass keen einfache Prozess, well Leit Angscht hunn, z.B. net acceptéiert ze ginn.
[Änneren] Rechtlech gläichgeschlechtlech Partnerschaften, an Bestiedniss
...
[Änneren] Homosexualitéit zu Lëtzebuerg
Obwuel et zu Lëtzebuerg eng kleng Schwulen- a Lesben-Communautéit gëtt, ass d'publik Unerkennung vu gläichgeschlechtlecher Léift wäit ënnert dem Niveau vum Land séngen Nopeschlänner. D'Positioun vun der Regierung ass geprägt duerch d'chrëschtlecht Welt- a Familiebild vun der CSV, wat sech ënnert anerem bemierkbar mécht a Positioune wéi déi vum Luc Frieden zu enger Erweiderung vum (extrem limitéirten) Partenariatsgesetz (ce serait contraire à l'ordre public). Rezent Ëmfroen hu gewisen, dass dat Weltbild awer net der Stëmmung an der Bevëlkerung entsprécht, déi an hirem Wëllen, Homosexuellen zu hire Rechter ze verhëllefen, wäit iwwert dem europäeschen Niveau läit. (EOS Gallup 2003)
Eenmol am Joer organiséiert Rosa Lëtzebuerg A.S.B.L. ee Schwulen- a Lesbefest ob der Place d'Armes an der Stad Lëtzebuerg. Dësen Event mam Numm Gay Mat gouf 1999 fir d'éischt organiséiert. 2007 ass dëst Fest an der 9. Editioun an geet fir d'éischt an engem Cortège bei der Kathedral Notre Dame de Luxembourg fort.
