Norman Mailer
Vu Wikipedia, der fräier Enzyklopedie.
Den Norman Kingsley Mailer, gebuer den 31. Januar 1923 zu Long Branch, New Jersey a gestuerwen den 10. November 2007 zu New York, war een amerikanesche Schrëftsteller a Journalist.
De Mailer ass zu Brooklyn, New York als Jong vun enger jiddescher Famill opgewuess, an huet dunn Aeronautik op der Harvard Universitéit studéiert. 1948 huet en de Krichsroman The Naked and the Dead (Déi Plakeg an déi Doudeg) geschriwwen, deen op sengen Erliefnësser als Marine-Zaldot am Pazifik an der Zäit vum Zweete Weltkrich baséiert. Dëse Roman gouf 1998 an d'Lëscht vun den 100 beschte Romanen an englescher Sprooch vum 2O. Joerhonnert vun der American Modern Library opgeholl.
1969 krut de Mailer den National Book Award an de Pulitzer Prize an der Kategorie Sachbuch fir Armies of the Night. 1980 krut hien de Pulitzer Prize eng zweete Kéier fir The Executioner's Song, dat iwwert deen zum Doud verueteelte Gary Gilmore geet.
