Zöstere
Van Wikipedia
Dit artikel is gesjreve in 't Zösters. 't Weurt gewaardeerd óm in dit artikel 't Zösters aan te hauwe of aan te gaeve welk anger dialek gebroek is.
Zöstere (Nederlands Susteren) is e sjtedje in de Nederlands-Limburgse gemeinte Ech-Zöstere, mit ôngevieër 7.200 inwoners. 't Kerngebied haet 'n oppervlak van 28,34 km2 en grens aan zoeawaal 't Belsj (Mezeik) es Duitsjlandj (de Zelfkantj). Zöstere haet veural 'n woonfunktie.
Zöstere haet eine historische kern mit ein dörps karakter. Dao is 'n elfde-iewse Roemaanse kèrk gewiejd aan de heilige Amelberga. Tiedes de 7-jaorlikse heiligdomsvaart, op 9 september 2007, haet de woordveurder van Paus Benedictus XVI bekènd gemaak, dat de kèrk verheve wört tot basiliek. 't Is de 6e basiliek in Limburg en de 21e in Nederland.
De historie van Zöstere is tôt in de achste iew te tracere, toen hiej ein benedictiener kloeaster gestich wôrt. De roemaanse kèrk woor oorsprônkelik deil van dees abdie. Later wôrt dit kloeaster ein sjtuf, 'n kloeaster veur adellike vrouwluuj. In 1276 kreeg Zöstere sjtadsrechte. In 2003 wôrt Zöstere mit Ech tot de nuuj gemeinte Ech-Zöstere gefuseerd.
De ômgaeving is bosriek.
[bewirk] Aafkómstig oet Zöstere
- De Janse Bagge Bend, 'n Limburgstalige popband
|
|
---|---|
Dörper: De Boesj | Detere | D'n Deelgaard | Ech | De Nuujsjtad | Pej | Roostere | Sint-Joeas | Zöstere | | |
Buurtsjappe en gehuchte:Aw-Kirk | Baakhaove | Berkelieër | D'n Aosterberg | D'n Echterbós | Gebrook | 't Hènge | Illekaove | Ophaove | Sjaelberg | De Slek | Vèsserswaert |