Владимир Ангеловски
Од Википедија, слободна енциклопедија
Содржина |
[уреди] Владимир Ангеловски-Дади
Владимир Ангеловски, или уште познат како Дади, е едно од најголемите македонски актерски имиња. Него многу добро го познаваат како постарите така и помладите генерации.Роден актер, но сосема нетипичен глумец.Цел живот во Драмскиот театар, со излети на “осмиот колосек” наречен естрада.Денес кулминира професионално во најзрелите актерски години.За себе вели дека е глумец уште од своето раѓање.
[уреди] Биографија
Владимир Ангеловски-Дади е роден на 22 Мај 1946 год. во Скопје како втор син во семејството на Борис и Костадинка Ангеловски.Татко му попот Борис имал свој црковен хор и прв ја направил комплетната црковна богослужба со ноти и на македонски јазик, а мајка му била учителка во основното училиште "Кирил и Методиј".Неговиот постар брат Никола Коле Ангеловски на македонската јавност и е познат како извонреден режисер и актер со кој В.А-Дади има соработувано многупати.
[уреди] Првите почетоци
Првите чекори кон својата идна професија Дади ги имал во Радио драмата,додека пак за прв пат на сцената стапнал во 1962 година,кога го играл Оливер Твист кај режисерот Рули Османли во тогашниот Младинско детски , денес Драмски театар.И тука се раѓа неговата голема љубов кон театарот.Како гимназијалец во “ Цветан Димов “ одел на голем број натпреварувања низ Југославија што всушност биле и неговите први естрадни почетоци.По гимназијата се подготвувал да оди на Академија во Белград,но тоа не се случило.Имено на Драмскиот театар во тоа време му биле потребни актери па така Дади бил ангажиран во претставата “ Принцот и просјакот “ и истата 1966 година станува и член на драмскиот театар.
[уреди] Некои позначајни улоги
Огромен е бројот на улогите во кои се појавува Дади,почнувајки од детските серии и драми па се до сериозните улоги во некои од најзначајните македонски филмови, драми и серии.Секако дека не постои дете кое ја нема гледано познатата детска трилогија “ Чук,чук Стојанче” , “ Баш челик” , и “ Шекспир во приказни” која постигнува огромни успеси и тука и на сцените низ Југославија.Незаборавни се и ликовите Диди и Дади кои ги играат Дади и неговиот брат Никола Коле Ангеловски во тв серијата “ Да видам,да видам што да бидам”.Исто така Дади се појавува и во операта на МНТ во оперите “ Шекерна приказна” , и “Деспина и мистер Докс”.Во 1967 година игра во психолошкиот филм “ Мементо” во режија на Османли Димитрие, а во 1988 игра една од главните улоги во филмот “Викенд на мртовци”.Понатаму следуваат улогите во филмовите “ Солунски патрдии” , во режија на Никола Коле Ангеловски, ”Калигула” во режија на Миле Гроздановски, ”Рибарски караници” ,серијата “Лото,лото” исто така во режија на Никола Коле Ангеловски,во претставите “Мефисто”, и “ Дунек” со кои заработува и некои од неговите награди.Тука се и сериите: “Агенција осамени срца”, “Училиште за кловнови”, “Трст виа Скопје”, “Битолски лакрдии” и многу дриги.Неизбежно е а да не се спомне радио-телевизиската програма “Хихирику”со која што заедно со своите колеги Димче Мешковски, Катерина Коцевска, Благоја Чоревски, и Гоце Тодоровски во 2004-тата година го прославија јубилејот од 25 години од нејзиното постоење.Со некои од своите колеги има настапувано и неколкупати во Австралија изведувајки познати македонски драми за тамошните Македонци. Значајни се секако и улогите на Дади во голем број од Македонските народни приказни, а интересен е и фактот дека тој е единствениот актер кој 9 години по ред настапува на манифестацијата Глумците пеат,колку што и постои самата манифестација.
[уреди] "Хронолошки редослед на некои од позначајните улоги"
- “Мементо” -1967 -психолошки филм
- “Да видам,да видам што да бидам”- 1967 -тв серија
- “Солунски патрдии” -1985 -тв серија
- “Училиште за кловнови” -1987 -тв серија
- “Трст виа Скопје” -1987 -тв серија
- “Викенд на мртовци” -1988 -филм
- “Калигула” -1997 -филм
- “Агенција осамени срца” -2001 -тв серија
- “Битолски лакрдии” -2002 -тв серија
- “Лото,лото” -2003 -тв серија
[уреди] "Викенд на мртовци"
Филмот е снимен во 1988 година,во стандард техника, со звук, во боја,35 мм и е во времетраење од 94 минути.Филмот разработува една апсурдна ситуација кога поради невнимание во една болница се заменуваат умрените пациенти, па така две семејства добиваат туѓи мртовции кои треба да ги погребаат,па доаѓа до сплет на настаните.Филмот е во режија на Никола Коле Ангеловски, сценариото е на миле Попоски а во главните улоги покрај Владимир Ангеловски се јавуваат и Ѓорѓи Јолевски, Димче Мешковски, Гоце Тодоровски и Благоја Чоревски. Филмот е награден на филмскиот фестивал “Голубац” во 1988 година, и тоа прва награда “Златна рипка" за режија и трета награда од публиката
[уреди] "Солунски патрдии"
Оваа тв серија е снимена во 1985 година, во три епизоди со времетраење од по 55 минути.Жанрот е комедија, а режисер е братот на Дади- Никола Ангеловски.Покрај Дади кој се јавува во улогата на Цветан во другите улоги се јавуваат и Благоја Спирковски, Трајче Ивановски, Гоце Тодоровски, Димче Мешковски, Ванчо Петрушевски, Снежана Стамевска, Салаетин Билал, Стево Спасовски, Тодорка Кондова, Јовица Михајловски, Марин Бабич, Мите Грозданов и други.
[уреди] “Лото,лото”
Оваа комична тв серија е едно од поновите телевизиски остварувања.Снимена е 2003 година во режија на Никола Ангеловски.Серијата се состои од 5 епизоди со времетраење од 40 минути.Главните улоги ги толкуваат Владимир Ангеловски, Благоја Спирковски, Бранко Бенинов, Владимир Талевски, Андон Јованоски и др
[уреди] “Калигула”
Овиј филм е снимен 1997 година во режија на Миле Гроздановски, а во главните улоги се јавуваат Димче Мешковски, Владимир Ангеловски, Димитар Зози, Ѕвезда Ангеловска и Ѓорѓи Јолевски.
[уреди] Награди
Владимир Ангеловски-Дади е наградуван уште од самите почетоци на својата кариера-уште како дете бил трикратен првак на Југославија во детска радио драма некои од позначајните награди : 13-та Ноемвриска, Климент Охридски и на фестивалот Ристо Шишков,ги добива во последните 2-3 години.
