Европска централна банка
Од Википедија, слободна енциклопедија
|
Европската централна банка (ЕЦБ) во Франкфурт на Мајна, Германија е централна банка на Eврозоната и е надлежна за монетарната политика на 12 земји членки на Европската Унија што го употребуваат еврото како валута. Основана е на 1 јуни 1998 година.
Содржина |
[уреди] Цели и инструменти
Главната цел на ЕЦБ е да се фокусира врз ценовната стабилност. Затоа, задолжена е да одржува низок инфлационен профил за еврозоната. Во моментов инфлацијата не смее да надминува повеќе од 2% во еврозоната. Со цел да ги одржува цените стабилни, ЕЦБ може да ги намалува или да ги покачува каматните стапки.
[уреди] Организација
ЕЦБ ја раководи Борд на директори, на чело со Претседател и Борд на гувернери, кој се состои од членовите на Бордот на директори и претставници на другите централни банки во Европскиот систем на централни банки. Организацијата на ЕЦБ е моделирана врз основа на Геманската Бундесбанка и Ландесбанките (централните банки на федералните покраини во Германија).
[уреди] Европскиот систем на централни банки (ЕСЦБ)
Европскиот систем на централни банки (ЕСЦБ) е сочинет од Европската централна банка (ЕЦБ) и националните централни банки на 25-те држави - членки на Европската унија. Само гувернерите од националните банки од Еврозоната учествуваат и се одговорни за процесот на одлучување.
[уреди] Претседатели на Европската централна банка
Првиот шеф на оваа институција беше Вим Дуизенберг, поранешниот претседател на Холандската банка и поранешен министер за финансии на Холандија. Него го наследи Жан - Клод Трише во ноември 2003.
[уреди] Критика
Постојат две главни линии на критика против ЕЦБ. Надвор од ова, често се критикува јазичната политика на нејзиниот вебсајт каде што јазиците на земјите - учеснички не се почитувани, така што поголем дел од популацијата што го употребува еврото не може да има пристап до информациите кои се однесуваат не нивната дневно употребувана валута или ќе имаат многу ограничени информации, често бескорисни и недостапни.
[уреди] Независност
Критичарите се фокусираат врз независноста на институцијата. ЕЦБ беше воспоставена како централна банка определена да делува независно од политички интервенции. Нејзините цели и овластувања се политички воспоставени, но решенијата за тоа како најдобро да ги употребат тие овластувања за да ги постигнат целите беа оставени во рацете на ЕЦБ.
Сепак, колку повеќе национални банки во ЕУ се надвор од еврозоната и се независни (на пример, Данската национална банка, или Банката на Англија), овој аргумент може исто така да важи за нив.
Некои ја сметаат независноста за недемократска карактеристика и затоа го критикуваат процесот на одлучување и целите на ЕЦБ, тврдејќи дека економските цели на ЕЦБ се цврсто - поврзани за да бидат тајни и независни од повеќето граѓани на Европската унија, и да биде изолирана од feedback - механизмите кои се однесуваат на влијанието на паричната економија врз повредите на човековите права или врз животната средина.
ЕЦБ не објавува ниту бара коментари за своите предложени решенија. По објавувањето на нејзините акции и решенија, веб-страните не бараат директни коментари од граѓаните. Се смета дека деталите на внатрешните состаноци не се објавуваат со цел да не се откријат внатрешните поделби во Бордот на гувернери.
Европските граѓани може да влијаат врз политичките решенија на ЕЦБ многу индиректно преку формалниот национален демократски процес. Како и да е, дури и промените во економските претпоставки и се изразуваат преку формалните демократски средства, избраните политичари имаат многу мала моќ да ги пренесат овие промени на ЕЦБ.
Сепак, ЕЦБ е одговорна пред Европскиот парламент и пред Советот на министри. Таа го назначува претседателот и потпретседателот на ЕЦБ и другите членови на Извршниот одбор на ЕЦБ. Номинираните кандидати мора да бидат одобрени прво од Парламентот и потоа од Советот на министри пред да ги превземат нивните функции во институцијата.
Исто така, постои правна обврска претседателот на ЕЦБ да презентира годишна програма на пленарна сесија на Парламентот. Уште повеќе, претседателот на ЕЦБ и членовите на Извршниот борд се присутни во Комитетот за монетарни прашања на Парламентот кои редовно се состануваат.
[уреди] Инфлациони цели
Критичарите тврдат дека целите поставени и следени од страна на ЕЦБ се несоодветни. ЕЦБ ги поставува каматните стапки се цел да ја контролира инфлацијата, но не зема во предвид цели како што се вработувањето и стабилноста на курсната размена. Некои, затоа, го гледаат ова како премногу тесен сет на цели, кои водат до решенија за каматните стапки што се несоодветни, имајќи ги во предвид широките потреби на економијата.
Многу британски економисти повеќепати изјавиле дека ЕЦБ треба да усвои симетрични инфлациони цели, слични на оние кои ги следи Банката на Англија.
Невообичаено ниските каматни стапки поставени од ЕЦБ беа критикувани дека се несоодветни за европските региони со сопственички балони.
Овие ниски каматни стапки се фактор за Ирскиот сопственички балон.
