Илија Џувалековски

Од Википедија, слободна енциклопедија

Илија Џувалековски (1915-2004) бил македонски актер, режисер и педагог.

Пред Втората светска војна студира Mузичка Академија во Белград. Во 1944 година оди на Вис каде под раководство на Вјекослав Африќ настапува во Театарот на Народното ослободување. По кратко време оди во Москва каде што станува член на уредувачкиот одбор на радио-станицата „Слободна Југославија“. Во 1945 година се враќа во Македониja и се решава за актерска кариера. Првите успеси ги постигнува во Македонскиот народен театар во Скопје. Во 1964 година оди во Загреб каде настапува за Хрватскиот народен театар, а од 1967 ја води катедрата за глума на македонски јазик при Академијата за театар, филм и телевизија. Во Скопје се враќа во 1972 година и продолжува со својата педагошка работа на Факултетот за драмски уметности, а истовремено и со својата актерска кариера.

Првата филмска улога ја добива во 1952 година во филмот ФРОСИНА. Актерскиот придонес на Џувалековски на филмот не е ништо помал од театарскиот. Во својата актерска кариера остварува над 60 улоги низ кои ја изразува својата актерска индивидуалност.

Глумел и во: „Волчја ноќ“, „Малиот човек“, „Мис Стон“, „Виза на злото“, „Дубровски“, „Мирно лето“, „Денови на искушение“, „Каде по дождот“, „Републиката во пламен“, „Јад“, „Оловна бригада“, „Црвениот коњ“, „Јужна патека“ и други.

Препознатлив е и како Баба Мулон во серијата „Белото циганче“, правена по истоимениот роман на познатиот македонски писател Видое Подгорец.