Скопско кале

Од Википедија, слободна енциклопедија

Скопската тврдина Кале е сместена на високот рид наречен Градиште, над градот Скопје со поглед на реката Вардар и била од стратешко значење за овој значаен град со векови.

Содржина 1 Историја 2 Конзервација и реставрација 3 Тврдината денес 4 Археолошки ископувања 5 Надворешни врски

[уреди] Историја

Како највисока точка во градот, калето одсекогаш било ценето од локалното население. Населби на тоа место постоеле и пред да се изградат ѕидови. Најраните познати жители на местото живееле во Неолитот и раното Бронзено доба, 4,000 години п.н.е. Тврдината што ја гледаме денес е изградена најпрвин во Византиско време (6-ти век), со камени ѕидови со должина од 121 метар. Според археолозите, камените блокови од кои е изградена тврдината биле земени од изрушениот град Скупи подолу.

[уреди] Конзервација и реставрација

Заради стратешката локација на местото, тврдината била градена, рушена и преградувана многу пати од страна на разни освојувачи. По скопскиот земјотрес во 1963 кружните и квадратните кули на тврдината биле конзервирани и реставрирани.

[уреди] Тврдината денес

Кале е едно од најпопуларните места за посета во Скопје. Тврдината нуди фантастичен поглед на градот како и можност да се дојде до стариот турски дел од градот за неколку минути. Во лето тука се одржуваат концерти и театарски претстави.

[уреди] Археолошки ископувања

Археолошките ископувања на Скопското кале започнаа на 14 Мај 2007 година. Поради големиот обем на истражувања (околу 300 ангажирани луѓе), силно експонираната позиција на локалитетот во самиот центар на Скопје и заинтересираноста на медиумите, ова ископување е пропратено со сопствена веб страница која е прва од таков вид во Македонија.

[уреди] Надворешни врски

• Официјална страница на Археолошките истражувања на Скопско Кале