Трајко Прокопиев

Од Википедија, слободна енциклопедија

Трајко Прокопиев

Основни информации
Роден(а)	6 ноември, 1909 Куманово, Македонија
Умрел(а)	21 јануари, 1979 Белград, Србија Југославија
Занимање/ња	Композитор диригент

Трајко Прокопиев (Куманово, 6 ноември 1909 - Белград, 21 јануари 1979) е македонски композитор на класична музика, диригент и автор на филмска музика. Познат е по употребата на историски, митолошки и народни мотиви од културната ризница на македонскиот народ во неговите дела.

[уреди] Биографија

Прокопиев е роден во Куманово во 1909 год. Во 1934 година завршува средно музичко училиште во Белград, во класата на Милое Милоевиќ. Работи како раководител на пејачкото друштво „Мокрањац“ и како наставник во истоимената музичка школа во Скопје. Набрзо потоа оди во Лесковац, каде што работи како диригент. Заминува за Сараево, каде што го раководи српското пејачко друштво „Слога“. По ослободувањето е назначен за прв директор на Средното музичко училиште во Скопје.

Со желба да го продлабочи своето музичко образование, во 1946 година заминува на Прашкиот конзерваториум, каде што една година студира диригирање кај професорот Павел Дедечек. По враќањето развива мошне плодна активност како началник на Музичкото одделение на Радио Скопје, диригент е на Симфонискиот оркестар, диригент на Скопската опера и директор на ансамблот „Танец“. Во овој период се истакнува и како автор на филмска музика, а дебитира во 1948 година со музиката за документарниот филм Илинден 1948.

Починал во Белград во 1979 год.