Џон Констабл
Од Википедија, слободна енциклопедија
Џон Констабл (11 Јуни, 1776 – 31 Март, 1837) е британски уметник. Роден е во Источен Бергхолт, село крај реката Стуар во Сафолк, Англија. Татко му бил богат трговец со пченка и Констабл работел кај татко му по завршувањето на училиштето. Меѓутоа наскро сфатил дека не е за тој бизнис и отишол да студира во Лондон. Ја изложил својата прва слика во 1802 год.
Констабл е познат по своите пејзажи, иако за врем на неговиот живот продал само 20 слики и не бил избран за член на Кралската Академија сè до 52 годишна возраст, само 8 години пред неговата смрт. Во тоа време, неговите дела биле повеќе ценети во Франција, а неговото дело Кола сено било изложено во парискиот салон во 1824 год.
Областа Дедхемска долина во Сафолк е позната како Констаблов регион. Поглед на Флетфордската воденица, е предмет на една од неговите слики, Кола сено. Таа била во сопственост на неговиот татко, богат мелничар. Блиската Колиба Бриџ е во сопственост на Националниот фонд.
Констабл бил заљубен во Марија Бикнел, локална девојка чиј татко, кој бил адвокат кој се познавал со кралот и кој не го сметал Констабл за достоен на неговата ќерка. По пет години, тој конечно дал дозвола за брак во 1816 год. По раѓањето на седум деца, Марија умрела од туберкулоза во 1829, настан кој влијаел погубно на нејзиниот маж.
Францускиот уметник Делакроа и Барбизонската школа биле повлијаени од Констабл и почнале да скицираат на отворено како него. Француските импресионисти исто така ги базирале своите техники за фаќање на разни светлини на него.
[уреди] Дела
- Дедхемска долина, 1802.
- Кола сено, 1821.
- Салисбурската катедрала, 1825.
- Пченкарно поле, 1826.
- Салисбурската катедрала од ливадите, 1829.
- Брајтонската плажа со едреници, 1824.
- Бродоградителство близу Флетфордската воденица, 1815.
- Студија на перјести облаци, c.1822.
- Колиба кај Источен Бергхолт, 1833.
[уреди] Галерија
 Салисбурската катедрала од бискуповиот имот (1825) |
 Вејмутскиот залив (ц. 1816) |
 Белиот коњ (1819) |
 Поглед на реката Стуар близу Дедхем |
| Романтизам | |
|---|---|
| 17-ти век - 19-ти век | |
| Музика: Бетовен - Брамс - Шопен - Григ - Лист - Шуман - Чајковски - Руска петорка - Верди - Вагнер | |
| Поезија: Блејк - Бајрон - Колриџ - Гете - Иго - Китс - Ламартин - Леопарди - Лермонтов - Мицкjевич - Нервал - Новалис - Пушкин - Шели - Словацки - Вордсворт | |
| Ликовна уметност и архитектура: Брјулов - Констабл - Коро - Делакроа - Фридрих - Жерико - Неоготска архитектура - Гоја - Лојце - Назаретство - Палмер - Тарнер | |
| Култура: Боемство - Романтистички национализам | |
| << Просветителство | Викторијанство >> Реализам >> |
