തൊട്ടുകൂടായ്മ

വിക്കിപീഡിയ, ഒരു സ്വതന്ത്ര വിജ്ഞാനകോശം.

സമൂഹത്തിലെ ഒന്നോ അതിലധികമോ വിഭാഗം ജനങ്ങളെ പൊതുധാരയില്‍ അടുപ്പിക്കാതെ മാറ്റിനിര്‍ത്തുകയും സാധാരണ തരത്തിലുള്ള ഇടപെടലുകള്‍ക്ക് പ്രാദേശിക നിയമത്തിന്റെ പിന്‍ബലത്തോടെ വിലക്ക് ഏര്‍പ്പെടുത്തുകയും ചെയ്യുന്നതാണ് തൊട്ടുകൂടയ്മ (Untouchablility). ഇത്തരത്തില്‍ വേര്‍തിരിച്ചു നിര്‍ത്തപ്പെടുന്ന സമുദായങ്ങളിലെ ആണിനും പെണ്ണിനും കുട്ടികള്‍‌ക്കു പോലും മറ്റുസമുദായങ്ങളിലെ ആളുകളെ തൊടാനോ ഒരു നിശ്ചിത ദൂര പരിധിക്കുള്ളില്‍ നിന്നു സംസാരിക്കാന്‍ പോലുമോ അവകാശമുണ്ടായിരുന്നില്ല. ജാതിവ്യവസ്ഥ ഉള്ള ഇടങ്ങളില്‍ താഴ്ന്ന ജാതിയില്‍ പെട്ടവരും ആഫ്രിക്ക പോലുള്ള നാടുകളില്‍ കറുത്ത വര്‍ഗക്കാരുമാണ് തൊട്ടു കൂടായ്മയിലൂടെ അകറ്റിനിര്‍ത്തപ്പെട്ടിരുന്നത്. ഇന്ത്യയില്‍ എല്ലാ ഭാഗത്തും അതിന്റെ പൂര്‍ണ അര്‍ത്ഥത്തില്‍ നിലനിന്നിരുന്ന തൊട്ടുകൂടായ്മ 1947-ല്‍ നിരോധിക്കപ്പെട്ടു. നിരോധനം നിലനില്‍ക്കുന്നുവെങ്കിലും കേരളമൊഴികെയുള്ള ഒട്ടുമിക്ക സംസ്ഥാനങ്ങളിലും തൊട്ടുകൂടയ്മ ഇന്നുമുണ്ട്.^{[അവലംബം ചേര്‍ക്കേണ്ടതുണ്ട്]}

[തിരുത്തുക] ചരിത്രം

ഇന്ത്യയില്‍ വേദകാലത്തു തന്നെ തുടങ്ങിയ ജാതിവ്യവസ്ഥയുടെ ഉപോല്‍‌പന്നമായാണ് തൊട്ടുകൂടായ്മയെ വിലയിരുത്തുന്നത്. ക്രിസ്തുവര്‍ഷം ആദ്യനൂറ്റാണ്ടോടെയാണ് ജാതി വ്യവസ്ഥ പൂര്‍ണമായും നിലവില്‍ വരുന്നത്.^{[അവലംബം ചേര്‍ക്കേണ്ടതുണ്ട്]} അധിനിവേശ ആര്യന്‍‌മാരിലെ ഏറ്റവും ദരിദ്രരും ദ്രാവിഡരും ഉള്‍പ്പെടുന്ന ശൂദ്രരാ‍യിരുന്നു ജാതി ചങ്ങലയുടെ ഏറ്റവും ഒടുവിലെ കണ്ണി. ചണ്ഡാളരെപ്പോലുള്ള വിഭാഗങ്ങള്‍ ജാതിവ്യവസ്ഥക്കു പുറത്തായിരുന്നു. ശൂദ്രര്‍ക്ക് മതപരമായ ചടങ്ങുകളില്‍ പങ്കെടുക്കാന്‍ അനുവാദമുണ്ടായിര്രുന്നില്ല. പൂജ നടത്താനും വേദം കേള്‍‌ക്കാനുമുള്ള അവകാശവും ശൂദ്രര്‍ക്കുണ്ടായിരുന്നില്ല. ജാതിവ്യവസ്ഥക്കു പുറത്തായിരുന്ന വിഭാഗത്തിന് നഗരത്തില്‍ താമസിക്കാനോ പൊതുവഴിയിലൂടെ നടക്കന്‍ പോലുമോ ഉള്ള് അവകാശം ഉണ്ടായിരുന്നില്ല.