Depke
Vun Wikipedia
Depke is een plattdüütschen Vörnaam for Deerns.
Inholtsverteken |
[Ännern] Herkamen
Dat is antonehmen, dat achter den plattdüütschen Naam een öllere Naam ut de Tradition vun de Bibel steken deit. Möglicherwies is dat de Naam Deborah. Düsse Naam kümmt ut de hebreesche Spraak. Dat Woort דבורה (Deborah) heet Hummel oder Imm. In dat Ole Testament is Deborah een Richtersche un Propheetsche vun dat Volk Israel. Se hett dat berühmte Leed vun Deborah sungen. Dat steiht in de Bibel in dat Book vun de Richters, in't 4. un 5. Kapitel.
[Ännern] De plattdüütsche Naam
De Naam Depke kümmt vun de öllere Form Debbe. Debbe is een korte Form vun den bibelschen Naam Deborah. As dor een Smusenaam för lüttje Kinner vun worrn is, hefft de Lüde dat Anbacksel (Suffix) -ke dor achtern anbackt. Dat weer een Anbacksel to'n Lüttjer maken (Diminutiv). So is vun den Naam Debbe (vgl. engelsch Debbie) de Naam Debbecke vun worrn. Later is dat afslepen wurrn to Depke.
[Ännern] Fundöörd
In ole Naamslisten un Urkunnen is düsse Naam toeerst to finnen
- 1650 in Overneeland bi Bremen
- 1692 in Overneeland bi Bremen
[Ännern] Annere Spraken
- Deborah (Düütsch)
- Debora (Düütsch)
- Debbie (Engelsch)
- Debby (Engelsch)
- Debra (Engelsch)
- Dvora (Jöödsch)
Kiek ok bi: List vun plattdüütsche Vörnaams
