കമലാ സുരയ്യ
വിക്കിപീഡിയ, ഒരു സ്വതന്ത്ര വിജ്ഞാനകോശം.
മാധവിക്കുട്ടി (കമലാദാസ്) 1934 മാര്‍ച്ച് 31ന് പുന്നയൂര്‍ക്കുളത്ത് ജനിച്ചു. അമ്മ കവയത്രിയായ ബാലാമണിയമ്മ, അച്ഛന്‍ മാതൃഭൂമി ദിനപ്പത്രത്തിന്റെ മുന്‍ പത്രാധിപരായിരും ഇന്റര്‍നാഷണല്‍ മോണിറ്ററി ഫണ്ടിന്റെ (ഐ.എം.എഫ്) ലേഖകനുമായിരുന്ന വി.എം. നായര്‍.
മലയാളത്തിലും ഇംഗ്ലീഷിലും എഴുതുന്നു, കവിത, ചെറുകഥ, ജീവചരിത്രം എന്നിവയാണ് പ്രധാനമേഖല. ഇംഗ്ലീഷില്‍ കവിത എഴുതുന്ന ഇന്ത്യക്കാരില്‍ പ്രമുഖയാണ്. പക്ഷേ കേരളത്തില്‍ മാധവിക്കുട്ടി എന്ന തൂലികാ നാമത്തില്‍ എഴുതിയ ചെറുകഥകളിലൂടെയും ജീവചരിത്രത്തിലൂടെയുമാണ് അവര്‍ പ്രശസ്തിയാര്‍ജിച്ചത്. 1984ല്‍ സാഹിത്യത്തിനുള്ള നോബല്‍ സമ്മാനത്തിന് നാമനിര്‍ദേശം ചെയ്യപ്പെട്ടു. 1999ല്‍ ഇസ്ലാം മതം സ്വീകരിച്ച് കമലാ സുറയ്യ എന്ന പേരില്‍ അറിയപ്പെട്ടുതുടങ്ങി.
മാധവിക്കുട്ടി അടുത്തകാലത്തായി അനാഥരായ അമ്മമാരെയും സ്ത്രീകളെയും സംരക്ഷിക്കുവാനും മനുഷ്യത്വ പ്രവര്‍ത്തനങ്ങള്‍ക്കുമായി ലോക് സേവാ ചാരിറ്റബിള്‍ ട്രസ്റ്റ് എന്ന സംഘടന ആരംഭിച്ചു. നാലപ്പാട്ടെ തന്റെ തറവാട് കേരള സാഹിത്യ അക്കാദമിക്കായി മാധവിക്കുട്ടി ഇഷ്ടദാനം കൊടുത്തു.
[തിരുത്തുക] മാധവിക്കുട്ടിയുടെ കൃതികള്‍
[തിരുത്തുക] മലയാളം ഭാഷയില്‍
- എന്റെ സ്നേഹിത അരുണ
- ചുവന്ന പാവാട
- പക്ഷിയുടെ മരണം
- തണുപ്പ്
- മാനസി
- മാധവിക്കുട്ടിയുടെ തിരഞ്ഞെടുത്ത കഥകള്‍
- എന്റെ കഥ (മാധവിക്കുട്ടിയുടെ ആത്മകഥ - ഇംഗ്ലീഷ് അടക്കം (മൈ സ്റ്റോറി) 15 ഭാഷകളിലേക്ക് ഈ പുസ്തകം വിവര്‍ത്തനം ചെയ്യപ്പെട്ടു).
- ബാല്യകാല സ്മരണകള്‍
- വര്‍ഷങ്ങള്‍ക്കു മുന്‍പ്
- ഡയറിക്കുറിപ്പുകള്‍
- നീര്‍മാതളം പൂത്തകാലം
- ചന്ദന മരങ്ങള്‍
- മനോമി
- വീണ്ടും ചില കഥകള്‍
- ഒറ്റയടിപ്പാത
- എന്റെ കഥകള്‍
- കവാടം
[തിരുത്തുക] ഇംഗ്ലീഷ് ഭാഷയില്‍
- കല്‍ക്കട്ടയിലെ വേനല്‍ (Summer in Calcutta)
- കാമത്തിന്റെ അക്ഷരങ്ങള്‍ (Alphabet of the lust)
- പിതൃപരമ്പര (The Descendance)
- പഴയ കളിവീടും മറ്റു കവിതകളും (Old Play House and Other Poems)
- തിരഞ്ഞെടുത്ത കവിതകള്‍ (Collected Poems)
- എങ്ങനെ പാടണമെന്ന് ആത്മാവിനേ അറിയൂ (Only the Soul Knows How to Sing)
- ചൂളംവിളികള്‍ (The Sirens)
 |
ഒരു കവിയെ /കവയത്രിയെക്കുറിച്ചുള്ള ഈ ലേഖനം അപൂര്‍ണ്ണമാണ്‍. ഇതു പൂര്‍ത്തിയാക്കാന്‍ സഹായിക്കുക . |
