Baptisten
From Wikipedia
De Baptisten sünd een Freekark mit över 47 Milljonen dööpd Leeden weltwiet. Een vun de besünneren Kennteken vun disse Kark is, dat se lütte Kinners nich döpen deit. So as in de Tiet vun dat Niege Testament warrt bloots Mischen dööpt, de an Jesus Christus glöövt un dat ok vör Gott un annern Minschen betüügt.
De Baptisten sünd verwandt mit de Dööpers oder Dööpgesinnten vun de Reformatschoonstiet. De erste Baptistenkark keem togang in Amsterdam um 1609. Een Deel vun disse Kark - mehrstendeels engelsche Flüchtlingen - gung torüch na England, de anner Deel söcht in Amerika en nie Heimat. Vundaag höört de Baptisten to de gröttste protestantische Karken weltwiet.
Na Dütschland kemen de Baptisten um 1834. Johann Gerhard Oncken, en Koopmann, de in Hambörch en christlichen Bookhannel bedreev un ut Varel keem, leet sik dat Johr mit söss anner Lü vun den amerikaanschen Baptistenpastoor Barnas Sears in de Elv döpen.
