Heinrich Himmler
From Wikipedia
Heinrich Luitpold Himmler (* 7. Oktober 1900 in München,† 23. Mai 1945 in Lüneborg dör Suizid) wöör een düütscher Politiker in de Weimarer Republik un de Nazitied. Ünner Hitler is he Rieksführer vun de SS un is dormit tostännig för bannig veele Kriegsverbreken un den Holocaust.
Inholtsverteken |
[Ännern] Leven
[Ännern] Opwassen
Himmler is as tweiter Söhn vun Joseph Gebhard Himmler un Anna Maria Heyder in München born un in börgerliche kathoolsche Ümfeld opwossen. In'n Eersten Weltkrieg is he freewillig to de Armee gahn, hett sien Offiziersutbildung mookt, man he hett nich an'e Front kämpft, wat in de Nazitied anners vertellt wurrn is. Nadem he bi dat Störten vun de Räterepublik in München in een Friekorps dorbi wesen is, hett he sien Abitur mookt un Landweertschop an de TU München studeert.
[Ännern] Liddmaat in de NSDAP un Karriere
In'n August 1923 is he in de NSDAP intreden un is ann 9. November 1923 bi de Hitler-Ludendorff-Putsch mitmarscheert. Ann 6. Januar 1929 ward Himmler to den böverste Mann vun de SS mookt. Loter ward he vun Hitler to "Rieksführer vun de SS" döfft. Na de Machtergiepung dör Hitler ward he Polizeipräsident vun München. Himmler hett groten Andeel an den Röhm-Putsch, de Ermordung vun de böversten SA-Lüü un Kurt von Schleicher un sien Fruu. Ann 17. Juni 1936 ward Himmler ok die Polizei ünnerstellt. So is een vun de letzten Angelegenheiten, de die Länners sülvst moken dröfft, ok zentralistisch regelt. 1943 kriggt he ok noch dat Binnenministerium ünnerstellt, Himmler is endgüllig een vun de mächtigsten Nazis. 1944 ward he Böverbefehlshebber vun de Ersatzheer un tostännig för de Rüstung. An'n Enne vun den Tweeten Weltkrieg hett Himmler versöcht, Freeden to sluten, nahdem dat opflogen is, ward he vun Hitler vun alle Ämter enthoben.
[Ännern] Flucht un Dood
Himmler hett an dat Enne, nadem he vun Hitler entmachtet worden is, versöcht to flüchten. Mit gefälschten Utwies is he denn aver vun Briten grepen worden un inhaftiert worden. In dat Gefängnis hett he sik denn ümbröcht.
