Nokieksel
From Wikipedia
Een Nokieksel (ook: Nakieksel) is een (druckt ellers ook elektronschet) Book, wo een wat nokieken kann. In mennig Spraaken heet dat Lexicon, Lexikon ellers ook dictionary un dictionarium. Wenn een Nokieksel good wat binn hett, denn ward dat ook encyclopedy, encyclopaedia ellers Enzyklopädie naamt. To'n Bispill de Encyclopedia Britannica un de Brockhaus. Un de ingelsche Wikipedia is meist dat dickste Nokieksel in dat Internet. De plattdüütsche ward dat noch. Kanns sülbens wat an doon.
[Ännern] Etymologie (woneem dat herkümmt)
Dat Woord Nokieksel kümmt vun nokieken (nakieken). Dat meent, dat du dor rinkieken kanns un den wat plietscher büst.
Obers Nokieksel kanns ook Nokixel schreewen. Heurt sick nipp un nau so an. Man nu lees dat mol annersrüm. Vun dat Enn anfangn. Ut N-O-K-I-X-E-L ward nu L-E-X-I-K-O-N. Tjä, un een Nokieksel is nu man een Lexikon. Un dat hett noch wat mit op sick. So as du Nokixel ook annersrüm lesen kanns, kanns ook in een Nokieksel vun achtern (ellers ook in de Mitt) anfangn. Gifft jümmers noch een Sinn. Sotoseggen Achtersinn.
