Rudyard Kipling
From Wikipedia
Rudyard Kipling (* 30. Dezember 1865 in Bombay in Indien; † 18. Januar 1936 in London) weer en engelschen Schriever.
Sien Vadder weer eerst Pastoor bi de Methodisten, later is he aber Professer för Bookunst un Skulptuur wurrn. Mit söss Jahren keem Rudyard to’n eersten Maal na England. 1882 güng he wedder torüch na Indien. Daar hett he as Journalist bi’n Blatt arbeit. 1889 mook he een Reis öber Japan un de USA na England. 1891 weer he in Süüdafrika. 1892 bleef he in de USA besitten. 1896 güng he wedder retour na England un bleef daar ok. 1907 kreeg he den Nobelpries för Literatuur.
He stünn in siene Vertellen achter dat engelsche Empire un vertell vun Land un Lüe in Indien.
[Ännern] Warken
- Plain Tales from the Hills, hoochdüütsch „Schlichte Geschichten aus Indien“ (1888)
- The Phantom Rickshaw, hoochdüütsch „Die gespenstische Rikscha“ (1888)
- The Jungle Book, hoochdüütsch „Das Dschungelbuch“ (1894)
- The Second Jungle Book, hoochdüütsch „Das neue Dschungelbuch“ (1895).
Up Platt is vun em rutkomen:
- Dat Dschungelbook up Platt, nadicht dör Rainer Kramer, Bremen, 1996, ISBN 3-86108-122-9
Sietenkategorien: Mann | Schriever | England | Indien
