Ásgeir Ásgeirsson
Frå Wikipedia – det frie oppslagsverket
Ásgeir Ásgeirsson (fødd 13. mai 1894, død 15. september 1972) var den andre presidenten på Island, frå 1952 til 1968.
Han hadde teologisk utdanning og tok ein førsteklasses eksamen frå Háskóli Íslands (Universitetet på Island) i Reykjavík i 1915, men vart sett på som for ung til å verta prestevigsla. I 1923 vart han innvald i Alltinget for partiet Framsóknarflokkurinn (det islandske Senterpartiet). Han var president i Alltinget då det feira 1000-årsminnet sitt på Þingvellir i 1930. Ásgeir Ásgeirsson vart finansminister i 1931 og statsminister i 1932. Han gjekk ut av Framsóknarflokkurinn i 1934, men vart vald til Alltinget som uavhengig kandidat inntil han gjekk inn i det sosialdemokratiske partiet på Island. I Alltinget sat han til 1952, då han vart vald til den andre presidenten på Island. Han vart attvald utan motkandidat i 1956, 1960, og 1964.
| Føregjengar: Tryggvi Þórhallsson |
Islandsk statsminister |
Etterfylgjar: Hermann Jónasson |
| Føregjengar: Sveinn Björnsson |
Islandsk president |
Etterfylgjar: Kristján Eldjárn |
