Ásgeir Ásgeirsson

Úr Wikipediu, frjálsa alfræðiritinu

Ásgeir Ásgeirsson var 2. forseti lýðveldisins Íslands. Hann fæddist í Kóranesi á Mýrum 13. maí 1894 og dó 15. september 1972. Foreldrar hans voru Ásgeir Eyþórsson, verslunarmaður og Jensína Björg Matthíasdóttir. Ásgeir var guðfræðingur að mennt, hann lauk prófi frá Háskóla Íslands 21 árs gamall og stundaði framhaldsnám í Kaupmannahöfn í eitt ár að því loknu. Ásgeir var biskupsritari Þórhalls Bjarnasonar biskups og síðar kennari við Kennaraskólann og fræðslustjóri í mörg ár. Hann var þingmaður Vestur-Ísafjarðarsýslu 1923 - 1952, forseti sameinaðs þings á Alþingishátíðinni 1930, gegndi embætti fjármálaráðherra 1931 - 1932 og var forsætis- og fjármálaráðherra 1932—1934. Hann var bankastjóri Útvegsbanka Íslands 1938 - 1952 er hann var kjörinn forseti.

Ásgeir var fyrsti forseti þjóðarinnar sem var kosinn til þess embættis í almennum kosningum. Hann sat í embætti árin 1952 – 1968 eða í fjögur kjörtímabil. Hann fékk aldrei mótframboð og var því ávallt sjálfkjörinn í embætti frá og með 1956. Kona hans var Dóra Þórhallsdóttir, dóttir Þórhalls Bjarnasonar biskups.

Þetta æviágrip einstaklings er stubbur. Þú getur hjálpað til með því að bæta við það

Fyrirrennari: Sveinn Björnsson	Forseti íslands (29. janúar 1952 – 30. júlí 1968)	Eftirmaður: Kristján Eldjárn
Fyrirrennari: Tryggvi Þórhallsson	Forsætisráðherra (3. júní 1932 – 28. júlí 1934)	Eftirmaður: Hermann Jónasson