Baku
Frå Wikipedia – det frie oppslagsverket
 |
|
| Lokalisering | |
|---|---|
 |
|
| Styresmakter | |
| Land | Aserbajdsjan |
| Geografi | |
| Flatevidd - By |
ca. 1 000 km² |
| Innbyggjarar - By (2003) - folketettleik |
2 074 300 1 280/km² |
| Koordinatar | 41°01′52″N, 21°20′25″E |
| Høgd over havet | -28 m |
| Diverse annan informasjon | |
| Postnummer | +99450 |
| Telefon-retningsnummer | 012 |
Baku (aserbajdsjansk Bakı) er ein by som er hovudstad i Aserbajdsjan. Dei fyrste skriftlege kjeldene nemner byen på 600-talet, men byen kan ha vore grunnlagd fleire hundre år før. Byen hadde i 2003 om lag 1,9 millionar innbyggjarar, medan tettstadområdet Baku har omkring 3 millionar.
Økonomien i Baku er mykje grunna på petroleumsverksemd. Heilt sidan 700-talet har det vore kjend at området har rike førekomster av petroleum.
Frå 1400-talet vart lampeolje utvunne frå oljebrønnar. Kommersiell utnytting av olja byrja i 1872 og i byrjinga av 1900-talet var oljefelta i området dei største i verda. Mot slutten av det 1900-talet var store delar av petroleumsressursane til lands vorte utvunne. Utvinninga går etter kvart meir og meir føre seg til havs, offshore i Kaspihavet. Slaget om Stalingrad i andre verdskrig var ein del av tysk framrykking for å få kontroll over petroleumsressursane ved Baku. Femti år tidlegare produserte Baku halvdelen av verdas oljeforsyning. Så mange år med oljeverksemd har derimot sett sine spor, og Baku er i dag ein av verdas mest forureina byar, både med omsyn til luft- og vasskvalitet.
Baku har tre dominerande bydelar. Byen kan delast inn i gamlebyen (İçəri Şəhər), oljebyen frå tidleg 1900-tal og den sovjetiskt bygde delen av byen. Fortet i gamlebyen vart i år 2000 teke med på UNESCO si verdsarvsliste.
[endre] Bakgrunnsstoff
- UNESCO om verdsarven i Baku
- Info om Baku
- Baku Pages, informasjon for bakubuar i inn- og utland
